14:32 / 25.10.2021
928

Эрондаги вилоятлардан бирининг губернаторига инаугурацияси вақтида тарсаки туширилди

Эрондаги вилоятлардан бирининг губернаторига инаугурацияси вақтида тарсаки туширилди
Фото: theguardian.com
Эрон вилоятларидан бирининг губернатори Обиддин Хуррам ўз инаугурацияси вақтида номаълум эркак томонидан тарсаки еди. Ушбу воқеа видеосини The Guardian нашри эълон қилган.

Хуррам саҳнадаги минбардан туриб сўзлаётганда, унинг ёнига бир эркак кўтарилиб, юзига тарсаки тушириб қолган. Вазиятга қўриқчилар аралашиб, эркакни олиб кетишган.

Таъкидланишича, воқеадан кейин губернатор минбар ёнига қайтиб, ўз нутқини давом эттирган. У ҳужум қилган эркакни танимаслигини ва уни кечиришини айтган.

Бу орада The Guardian’нинг IRNA ахборот агентлигига таяниб хабар беришича, сиёсатчига тарсаки туширган эркак Хуррам раҳбарлик қилган “Ашуро” гвардия корпуси аъзоси бўлган. Агентликнинг маълум қилишича, эркак сиёсатчига “шахсий сабабларга” кўра тарсаки туширган.

Маълумотларга кўра, Хуррам губернатор лавозимини эгаллашидан олдин Ислом инқилоби муҳофизлари корпусининг Шарқий Озарбойжон вилоятидаги кучларига қўмондонлик қилган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Эрондаги вилоятлардан бирининг губернаторига инаугурацияси вақтида тарсаки туширилди