Москва мэрияси қурилиш майдонларида мигрантлардан бутунлай воз кечиш нияти ҳақида тобора кўпроқ гапирмоқда. Бунга ишчи кучи етишмаслиги билан боғлиқ муаммолар сабаб бўлди. Улар, ўз навбатида, пандемия даврида ишчиларнинг оммавий равишда мамлакатни тарк этиши туфайли пайдо бўлди.
Ҳақиқатда ҳам вазият шундайми ва Россия 2022 йилда мигрантлардан воз кеча оладими? Саволга Россия мигрантлар федерацияси (ФМР) президенти Вадим Коженов жавоб берди.
Биринчи навбатда Коженов мигрантлар сони аллақачон тикланиб, пандемиядан олдинги даражага етганини таъкидлади.
“Бизда мигрантлар кўпини реновация ва пандемия вақтида курьерлик хизматлари ўзига олди, 2019 йил охиридаги кўрсаткич билан ҳозир бир хил. Аммо тақчиллик ҳали ҳам бор”, деди Коженов.
Меҳнат мигрантларининг тақчиллиги курьерлик соҳасида ва қурилиш майдонларида жуда кескин сезилмоқда. Бутун Россияда ишчи кучи талаб қилинадиган кўплаб инфратузилма лойиҳалари мавжуд. Бу ердан тақчиллик юзага келди. Буни тезда қоплаш имконсиз, шунинг учун у ҳозирча сақланиб қолади, деб ҳисоблайди Коженов.
Федерация раҳбари Россия 2022 йилда мигрантлардан воз кечиш имкониятини баҳолади.
“Қисқа муддатда агар ҳозир қайсидир соҳадан кўплаб мигрантлар олиб кетилса, бу соҳа жиддий инқирозни бошидан кечиради”, - деди Коженов.
Мигрантлар кўпинча ишбай асосида тўланадиган маош, кўпроқ пул ишлаб топиш мумкин бўлган соҳаларни танлайди: бу қурилиш ёки хизмат кўрсатиш. Масалан, такси.
"Бизга келадиган одамларнинг меҳнат қобилияти, чидамлилиги жуда юқори. Улар орасида кунига 8 соатлик иш турларини танлайдиганлар кам. Асосан ҳамма 12 соат ишлайди, шунга яраша яхши пул топади", - деди Коженов.
Унинг фикрига кўра, бугунги кунда Россия иқтисодиёти мигрантларга жуда боғлиқ. Расмий маълумотларга кўра, ҳозир чет элликлар мамлакатнинг меҳнатга лаёқатли аҳолисининг 10 %ни ташкил қилади - бу жуда катта кўрсаткич.
Агар мигрантлар олиб ташланса, кўп соҳалар шунчаки қулаб тушади, деб ҳисоблайди Коженов.
"Айни пайтда миллионлаб одамларнинг ҳаммаси ҳалол ишламоқда, барчаси иш билан банд. Уларнинг меҳнати ўз натижаси бериб, жамиятга фойда келтираётганини англатади. Менимча, уларни иқтисодиётдан чиқариб бўлмайди", дея хулоса қилди мигрантлар федерацияси раҳбари.
Аввалроқ Ўзбекистон Ташқи миграция масалалари агентлиги 2021 йил бошидан буён 84,5 мингдан ортиқ ўзбекистонлик ташкиллаштирилган танлов асосида Россияга жўнаб кетгани ҳақида хабар берди.
Россия ҳукумати 2022 йилда чет элликлар учун ишлаш учун рухсатномалар бериш учун квота 124 007 ўрин деб белгиланди.
Пилот лойиҳа
Октябр ойи бошида Россия бош вазири Михаил Мишустин Ўзбекистондан 10 минг меҳнат мигрантларининг Россия қурилиш объектларига олиб келиш бўйича пилот дастурини ишга тушириш ҳақидаги фармонни имзолаганди.
2022 йил январ ойи ўрталаригача пилот лойиҳани амалга ошириш режалаштирилган. 21та қурилиш компанияси ўзбекистонлик меҳнат мигрантлари жалб қилинади.
Шу билан бирга, рухсатномалар беришнинг айрим тартиблари республиканинг ўзига ўтказилди. Хусусан, эндиликда Ўзбекистонда мигрантларни тиббий кўрикдан ўтказиш, “Спутник Лайт” билан эмлаш ва тестдан ўтказиш, шунингдек, Россияга кириш тақиқланганлигини текшириш амалга оширилмоқда.
Бу процедуралар россиялик шифокорлар ва ҳуқуқни муҳофаза қилиш органлари ходимлари иштирокида амалга оширилмоқда. Барча харажатлар иш берувчи томонидан қопланади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россиялик депутат: «Олий маълумотлиларнинг курерлик қилиши — ватанпарварликка зид»
АҚШ ҳарбийлари орасида ўз жонига қасд қилиш кўпайди
Apple донгдор икки айфонини расман эскирган деб эълон қилди
Пашинян Арманистоннинг Мустақиллик декларацияни энг катта муаммо ва фожиа деб атади
Яхши пишган ва мазали анор танлашга ёрдам берадиган тавсиялар
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Жо Байден: “Баъзан хотиним мени космосга жўнатиш билан таҳдид қилади”
Кремль Украина бўйича музокарада шартлар қўйишга уринмоқда
