Покистонлик толиблар бош вазир билан тузилган тинчлик сулҳини бекор қилди

^{Фото: AFP}
Покистонлик толиблар сифатида маълум бўлган “Таҳрики Толибон” ҳаракати жангарилари Покистон бош вазири Имрон Хон билан бир ой аввал тузилган тинчлик сулҳини бекор қилди. Бу ҳақда Al-Аrabiya хабар берди.

Ҳаракат баёнотида Хон ҳукумати ҳаракатнинг бир нечта аъзосини ўлдиргани ва тинчлик сулҳини бузгани айтилган.

“Бундай шароитда ўт очишни тўхтатиш режимини давом эттириш иложсиз. Энди Покистон жамоатчилиги келишувга ким амал қилмаётганини ҳал қилмоғи лозим”, деб айтган ҳаракат вакилларидан бири.

Покистон бош вазири Имрон Хоннинг таъкидлашича, тинчлик сулҳига ҳаракат томонидан черковлар, мактаблар, бозорлар ва куч тузилмалари ходимларига ҳужумларни тўхтатиш учун афғон толиблари ёрдамида эришилганди. Ҳукумат маълумотларига кўра, ушбу ҳужумлар оқибатида 70 мингга яқин одам ҳалок бўлган. “Замин” янгиликларини “Одноклассники”да кузатиб боринг