Россияда Ўзбекистонда ишлаб чиқарилган кийимларга талаб ошди. 2021 йилда ўзбек тўқимачилик маҳсулотларини онлайн сотиш 2020-йилга нисбатан 90 фоизга ошган. Бундан ташқари, россияликлар Ўзбекистонда ишлаб чиқарилган тўқимачилик маҳсулотларидан кўпинча болалар кийимларини харид қилади.
Бу ҳақда Россиянинг Wildberries онлайн-ритейлери Sputnik агентлигига статистик маълумотларни тақдим этди.
“Энг жадал суръатда болалар ички кийимига талаб ўсди, доналаб сотиш бўйича ўсиш 680%ни ташкил этди, — дейилади компания матбуот хизмати хабарида. Шунингдек, спорт водолазкаси (638%), болалар кўйлаги (633%), ҳаммом халати (601%), болалар кофталари (593%) савдоси ҳам ўсган”.
Ўзбекистонда ишлаб чиқарилган спорт кийимлари ҳам россиялик харидорлар орасида машҳур – хабарга кўра, 2021 йилда спорт кииймлари савдоси 2020-йилга нисбатан 427%га ошган.
“Ўзбекистон ишлаб чиқарувчилари маҳсулотлари хомашё сифати ва жозибадор нархи туфайли россиялик харидорлар орасида юқори талабга эга”, — дейилади матбуот хизмати хабарида.
Эслатиб ўтамиз, жорий йилнинг феврал ойидан WildberriesЎзбекистон бўйлаб буюртмалар етказиб беришни бошлаган эди: республикадаги биринчи қабул қилиш пункти Тошкентда очилган. Ўзбекистон бозорига чиқиш борасидаги режаларини эса компания 2020-йилда эълон қилган эди. Компания матбуот хизмати хабар қилганидек, Ўзбекистонда онлайн-дўконнинг ишга туширилиши маҳаллий тадбиркорларга ўз маҳсулотларини Россия ва мазкур онлайн-ритейлер вакиллиги бўлган бошқа мамлакатларда сотиш имконини беради.
Давлат статистика қўмитаси маълумотларига кўра, Россия Ўзбекистон тўқимачилик маҳсулотларининг асосий харидори ҳисобланади. Биргина жорий йилнинг январ ойида Россия компаниялари республикадан 39,4 миллион долларга тўқимачилик маҳсулотлари харид қилган.
Шу билан бирга, январ ойида ўзбек тўқимачилик маҳсулотларининг 26 давлатга экспортининг умумий ҳажми 72,3 миллион долларни ташкил этган, яъни ҳажмнинг 54,5%и россияликистеъмолчиларга тўғри келади.
3 март куни Президент Шавкат Мирзиёев раислигида бўлиб ўтган тармоқларни ижтимоий-иқтисодий ривожлантириш масалаларига бағишланган йиғилишда йил бошидан буён тўқимачилик маҳсулотлари экспорти 1,3 баробар ошгани маълум қилинди.
Ўзбекистон тўқимачилик саноатини ривожлантиришга катта эътибор қаратмоқда – ўтган йили ҳукумат томонидан тўқимачилик маҳсулотлари ишлаб чиқаришга қарийб 1,1 миллиард доллар яъни республикадаги асосий капиталга киритилган умумий инвестициялар ҳажмининг 5,2 фоизи йўналтирилган.
2021 йилда мамлакат бўйича 5342 та корхона тўқимачилик маҳсулотлари ишлаб чиқарган. Корхоналарнинг аксарияти Тошкент шаҳрида жойлашган –уларнинг сони 828тани ташқил қилади. Фарғона вилояти ҳам тўқимачилик маҳсулотлари бўйича фаол – 817 корхона. Андижон вилояти 578 та корхона билан тўқимачилик маҳсулотлари ишлаб чиқариш бўйича етакчиликда учинчи ўринда турибди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Фронтдаги вазият: Россия ҳарбийлари Курск областида қарши ҳужумга тайёрланмоқда
Украина ҚК бош қўмондони: “Фронтдаги вазият мураккаб ва кескинлашиши мумкин”
Трамп Путинга қўнғироқ қилиб, Украинадаги урушни муҳокама қилди
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Трампнинг ўғли Зеленский яқин орада «нафақадан» маҳрум бўлишини ёзди
