АҚШнинг Украинадаги биолабораторияларида кўршапалак коронавируси билан тажриба ўтказилган

АҚШ ташкил қилган ва молиялаштирган Украинадаги биолабораторияларда кўршапалаклар коронавируси билан тажрибалар олиб борилган. Бу ҳақда Россия Мудофаа вазирлиги расмий вакили генерал-майор Игорь Конашенков маълум қилди.

“Украинада ташкил қилинган ва молиялаштирилаётган биолабораторияларда, ҳужжатларнинг кўрсатишича, кўршапалаклар коронавируси намуналари билан тадқиқотлар ўтказилган”, - деди Конашенков. Унинг сўзларидан РИА Новости иқтибос келтирган.

АҚШ Давлат депаратменти Украинада биолабораториялари йўқлигини маълум қилди, аммо бунга қадар Америка давлат котибининг ўринбосари Виктория Нуланд Украинада биологик тадқиқотлар объекти мавжудлигини тан олган эди.

Нуланднинг сўзларига кўра, Америка томони украинлар билан бу тадқиқот материалларини Россия кучлари қўлига тушишига йўл қўймаслик учун иш олиб бормоқда.

Россия Мудофаа вазирлиги Украинада АҚШга ишлаган 30 та биолаборатория тармоғини аниқлаган. Яқин кунларда вазирлик Украинадаги Америка биолабораториялари фаолияти тўғрисидаги янги ҳужжатлар тўпламини ошкор қилиш ниятида.

Украинадаги биолаборатория, АҚШ, Кўршапалаклар коронавируси, Тажрибалар олиб борилган “Замин” янгиликларини “Telegram”да кузатиб боринг