Қариш жараёнини секинлаштиришга ёрдам берадиган 8 та мазали маҳсулот

^{Фото: Marie Claire}
Чиройли ҳамда ёш терини сақлаб қолиш учун кўпинча барча турдаги косметика маҳсулотлари харид қилинади ва янги муолажалар синовдан ўтказилади. Бироқ ҳаммасини бошидан яхшилаш лозим — бу терининг ҳолатига бевосита таъсир қиладиган кундалик овқатланиш. Marie Claire қариш жараёнини кечиктириш учун рационга қандай маҳсулотлар киритиш кераклигини маълум қилди.

Пекин карами

^{Фото: Marie Claire}
Бу карам лутеин ва зеаксантинга бой бўлиб, улар терининг эластиклигини оширади ва ички томондан организмни суюқлик билан таъминлайди. Лутеин эса терини қуёш нурларининг зарарли таъсиридан ҳимоя қилади.

Қора шоколад

^{Фото: Marie Claire}
Бу ғалати туйилиши мумкин, аммо шунга қарамай қора шоколад қаришга қарши хусусиятларга эга. Какао антиоксидантларга бой бўлиб, улар ультрабинафша нурларининг зарарларини камайтиради, қон айланишини яхшилайди ва терининг намликни сақлаб туришига ёрдам беради.

Резаворлар

^{Фото: Marie Claire}
Аксарият резаворлар C витамини — тери қаришига қарши умумий моддаларга бой. Шунингдек, эркин радикалларнинг зарарли таъсирига қарши курашадиган антиоксидантлар ҳам мавжуд.

Ёнғоқ

^{Фото: Marie Claire}
Ёнғоқ омега-3 ёғлари ва антиоксидантларнинг ажойиб манбаи бўлиб, улар терини намлайди ва ажинлар пайдо бўлишининг олдини олади.

Узум

^{Фото: Marie Claire}
Узум таркибида терини эркин радикалларнинг зарарли таъсиридан ҳимоя қилувчи табиий полифенол бўлган ресвератрол мавжуд. Бундан ташқари, ресвератрол коллаген ишлаб чиқаришни яхшилашга ёрдам беради ва шу билан терини эластик ва ёрқин қилади.

Анор

^{Фото: Marie Claire}
Анорнинг фаол эллагик кислота компоненти табиий равишда ажинлар пайдо бўлишининг олдини олади. Экспериментал дерматология журналида чоп этилган тадқиқот шуни кўрсатдики, эллагик кислота коллагеннинг парчаланишини олдини олади ва терини ультрабинафша нурларидан ҳимоя қилади.

Қаҳва

^{Фото: Marie Claire}
Ушбу ичимликнинг соғлиқ учун хавфлари ҳақида ҳанузгача баҳс-мунозаралар мавжуд, аммо кунига бир чашка қаҳва юз териси қизариши билан курашишга ёрдам беришини ва тери саратони хавфини камайтиришини исботловчи тадқиқотлар мавжуд.

Ёғли балиқ

^{Фото: Marie Claire}
Таркибида мавжуд бўлган соғлом омега-3 ёғлари тери гўзаллигини сақлашга ёрдам беради. Тадқиқотлар шуни кўрсатадики, омега-3 ёғ кислоталари қуёш таъсирида юзага келиши мумкин бўлган яллиғланишни камайтиради, шунингдек табиий коллагеннинг зарур миқдорини сақлайди. “Замин” янгиликларини “Одноклассники”да кузатиб боринг