Қўлдаги оғриқлар ортиқча юклар, синиш ёки кўкаришлар билан пайдо бўлади. Аммо сабаблар артрит ва артрозгача анча жиддий бўлиши мумкин. Қўл оғриганда нима қилиш кераклигини билишингиз керак. Қолаверса, касалликни ўз вақтида тўхтатишингиз мумкин, деб ёзмоқда Wday нашри.
Қўл оғриса нима қилиш керак?
Биринчидан, оғриқнинг сабабини билиб олинг, у қуйидагича бўлади:
- тендит ва перитендит;
- артроз ва артрит;
- деформация қилувчи остеоартрит;
- бўйин остеохондрози;
- билак тўқималарининг некрози;
- бўғимлар чўзилиши;
- синиш ва қўл чиқиши;
- жисмоний машқлар.
Ушбу муаммоларнинг ҳар бири ўзини турли йўллар билан намоён қилади. Оғриқнинг табиатини ҳисобга олганингизга ишонч ҳосил қилинг.
Елка ёки тирсакларга тарқаладиган оғриқли ҳислар остеохондроз белгисидир. Артрит ва артроз сабабли юзага келувчи оғриқ эрталаб пасаяди, бемор билак ва бармоқларини ҳаракатга келтиришга қийналади.
Кучли оғриқлар синиш ёки қўл чиққанини, ўткир оғриқ бўғинлар чўзилганини кўрсатади.
Беморларга қўлнинг рентгенограммаси, бўйин умуртқаси МРТ текшируви ва қон тести буюрилади.
Даволаш касалликдан келиб чиққан ҳолда белгиланади. Бу физиотерапия машқлари, бўғинларни қўл билан тузатиш ёки дори-дармон терапияси бўлиши мумкин.
Қўл оғриса, уй шароитида нима қилиш керак?
Оғриқнинг сабаби яллиғланиш касалликлари бўлса, унда халқ табобати ёрдам беради. Улар фақат шифокор текширувидан кейин, унинг тавсияси билан қўлланилади.
Қуйидаги рецептларни таклиф қилинади:
- Бўғинларни ишқалаш учун настарин инфузиони. Шишани ярмигача ўсимлик гуллари билан тўлдиринг ва унга спирт қуйинг. Икки ҳафтага қолдиринг ва ётишдан олдин қўлланг;
- Калина инфузиони. 200 мл қайноқ сувга 1 чой қошиқ ўсимликнинг эзилган шохларини солинг, 15 дақиқага қолдиринг ва кунига 3 марта ичинг;
- Асал ва спирт асосидаги компресс. Ингредиентларни тенг нисбатда аралаштиринг, аралашманинг ичига дока боғламини ботириб, бир кеча оғриқли қўлга боғланг. Компрессни ишлатишдан олдин, ушбу компонентларга аллергиянгиз бор-йўқлигини текшириб олинг.
Компрессларни қўллашда озиқ-овқат плёнкасидан фойдаланинг. Бу иссиқлик таъсирини кучайтиради. Курс давомийлиги бир ой.
Баъзида жарроҳлик қилмасдан қўллардаги оғриқлардан халос бўлиш имконсиз. Агар оғриқлар икки кундан кейин ҳам йўқолмаса, ҳатто, енгил бўлса ҳам шифокор қабулига бориш зарур.
“Замин” янгиликларини “Twitter”да кузатиб боринг
