Уйқусизлик: aсосий сабаблар ва самарали чоралар

Уйқусизлик (инсомния) — уйқуга кетиш ёки узлуксиз ухлаш билан боғлиқ муаммо бўлиб, саломатлик ва ҳаёт сифатига салбий таъсир қилади.

Энг кўп тарқалган сабаблар стресс, безовталик, ортиқча чарчоқ, руҳий тушкунлик, нотўғри овқатланиш ва кечқурун кофеинли ичимликларни истеъмол қилишдир. Шунингдек, экранга узоқ қараш, кечки сменада ишлаш ва нотинч уйқу муҳити ҳам бу ҳолатни кучайтиради.

Чора сифатида уйқу гигиенасига амал қилиш керак: бир хил вақтда ухлаш-уйғониш, ётишдан олдин телефон ва телевизордан фойдаланмаслик, енгил кечки овқат ва иссиқ ўсимлик чойи истеъмол қилиш. Жисмоний фаоллик уйқуни яхшилайди, аммо кучли машқлар куннинг эрта қисмида бажарилиши лозим. Агар муаммо узоқ давом этса, шифокорга мурожаат қилиш зарур.

Nigina Zarqarayeva

«ZAMIN.UZ» муҳаррири