Янги тадқиқот натижаларига кўра, D витамини теломерларнинг қисқаришидан асраб, инсон организмини қариш билан боғлиқ хасталиклардан ҳимоя қилиши мумкин. Бу ҳақда Mass General Brigham хабар берди.
Маълумки, теломерлар — хромосомалар учларида жойлашган ҳимоя қопламалари ҳисобланади. Улар ёш ўтиши билан қисқаради ва турли касалликларнинг ривожланишига сабаб бўлиши мумкин.
Тадқиқотда қайд этилишича, D витамини қўшимчаларини қабул қилиш теломерларни сақлаб қолишга ёрдам берган. Плацебо билан солиштирилганда, тўрт йил давомида D витамини истеъмоли теломер қисқаришини сезиларли равишда секинлаштирган ва тахминан уч йиллик қаришнинг олдини олган. Шу билан бирга, omega-3 ёғ кислоталарининг таъсири бутун кузатув даврида деярли кўзга ташланмаган.
Олимларнинг таъкидлашича, олинган натижалар D витаминининг тўғри қўлланиши биологик қаришга қарши самарали усул бўлиши мумкинлигини кўрсатмоқда. Бироқ, бунга аниқ хулоса чиқариш учун яна қўшимча изланишлар ўтказиш зарур.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
