Оқил подшоҳ сиёсати

Бир киши Абдулмалик ибн Марвон (умавий халифа, тобеъийнлардан) роҳимаҳуллоҳга бир куни:

– Сизга бир нарсани холи айтмоқчи эдим, – деди. Абулмалик атрофидагиларга қараб:

– Истасангиз.. (бизни холи қолдиришингиз мумкин), – деди. Улар туриб кетгач, ҳалиги киши энди гап бошлайман дер экан, халифа уни:

– Тўхта, – деб тўхтатди ва унга деди: – Мени мақтай кўрма, чунки ўзимни сендан кўра яхши танийман. Ёлғон гапира кўрма, чунки ёлғончининг бурди бўлмас. Ғийбат қила кўрма.

Буни эшитган ҳалиги одам:

– Унда менга (кетишга) рухсат берсангиз, – деди...!

– Майли, истасанг, – деди халифа..!

Манба: Azon.uz «Замин»ни Telegram’да ўқинг!