Тарвуз ейишни ёқтирасиз-у, лекин бемаза уруғлари лаззатланишга қўймайди ва улардан тезроқ қутулишга уринасиз. Бироқ энди уларни ташлаб юборманг. Негалигини ҳозир билиб оласиз.
Ёз, қуёш қиздиряпти, умуман овқатлангингиз келмайди, оддий сув эса жонга тегди. Вазиятдан чиқишнинг энг мақбул йўли: совиткичдан янги кесилган тарвуз палласини олиб паққос тушириш.
Бу каттакон мева 95 фоиз сувдан иборат. Шу боис у салқинланиб олиш учун айни муддао — фақат шу тарашадек қаттиқ, қопа-қора уруғлари бўлмаса эди.
Ҳатто селекционерлар тарвузнинг ўзига хос уруғсиз навларини яратиш устида бош қотиришмоқда. Оддий тарвузни истеъмол қилувчилар эса қора уруғини шунчаки чиқариб ташлашади. Аммо бекор қилишади... Тарвуз уруғи фойдали — буни кимсан немисларнинг «Fit for Fun» портали ёзяпти.
Мия ва мушаклар учун озиқлантирувчи модда
Тарвуз уруғи аслида озиқ моддаларининг ҳақиқий хазинаси. У танамизни кўп миқдордаги қимматбаҳо микроэлементлар билан таъминлашга, шунингдек, мия, суяк ва мушакларни мустаҳкамлашга қодир.
Уруғ таркибида А, В ва С витаминлари, магний, кальций ва тўйинмаган ёғ кислоталари мавжуд. Бундан ташқари, тарвуз уруғи — темирнинг ажойиб манбаи. Гарчи бу қимматбаҳо таркибий моддаларнинг бари тарвуз этида бўлса ҳам, суви кўплиги боис концентрацияси жуда кам.
Муҳими яхшилаб чайнанг
Шу боис: уруғини эти билан бирга енг. Танага ҳақиқатан фойда келтириши учун уларни майдалаш, яхшилаб чайнаш керак, яхшилаб? (Акс ҳолда бутун уруғ ҳазм бўлмаслик билан бирга ичакларда яллиғланишини келтириб чиқариши мумкин.)
Уруғнинг тарвуз таъмини бузишидан хавотирлансангиз, алоҳида истеъмол қилсангиз ҳам бўлади.
Тарвуз уруғини нима қилиш мумкин?
Қора уруғни товада туз ва зайтун ёғида қовуриб, писта ўрнида чақиш мумкин. Яна шу тариқа қайта ишланган уруғ салат ёки янги ёпилган нонга ўзгача маза беради.
Қуритилган уруғни қаҳвамайдалагичда майдалаб, смузига аралаштириш ёки чой дамлаб ичиш мумкин. Устига-устак, у пешоб ҳайдаш хусусиятига эга бўлиб, буйракларни тозалашда ёрдамлашади.
Манба: Xabar.uz “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организмда қайси турдаги витамин етишмаётганини қандай аниқлаш мумкин?
Бош кийимсиз юришнинг организмга қандай таъсири бор?
Ўзбекистонда онкологик касалликка чалинган аёллар бепул даволанади
Словакия бош вазири Путиннинг таклифини қабул қилди
Эрдўғон: “Туркия Ғазо можароси тугамагунча Фаластинни қўллаб-қувватлайди”
Грецияда минглаб одамлар НАТОга қарши намойиш ўтказди
Энди «Доимий яшаш жойига рўйхатга қўйиш» қулайлашди (видео)
Медведев Россия НАТО ҳарбий базаларига зарба йўллаши мумкинлигини истисно қилмади
