Моргенштерн блогер Дилара Зинатуллинага уйланди. Рэпер келинни олиб кетгани Nexia’да келди

^{Фото: Instagram / @influesii}
Россиялик рэпер Моргенштерн Дилара Зинатуллина исмли блогерга уйланди. Никоҳни қайд этиш маросими Москвадаги «ЗАГС»лардан бирида бўлиб ўтган. Бу ҳақда тўйда бошловчилик қилган Ксения Собчак ўзининг Instagram’даги саҳифаси орқали маълум қилди, деб ёзади Esquire.

Тўй маросими унга қадар бўлган жараёнлар каби «оддий рус тўйи»га ҳазил сифатида ўтган. Моргенштерн Диларанинг олдига чупа-чупслардан ясалган гулдастани кўтариб келиб, унинг уйи деразаси остидан туриб бақирган ва уй подъездидаги тўй ташкилотчларидан келинни «сотиб олган».

Жуфтликнинг тўй кортежидан Daewoo Nexia (Моргенштерен минган биринчи машиналардан бири) ва лимузин ўрин олган.

«ЗАГС» ва келиннинг уйидаги тўйдан ташқари маросим Тарас Шевченко қирғоғидаги теплоходда бўлиб ўтган. Кемага келин-куёвнинг исмлари ёзилган плакат илиниб, «АД» исмларининг бош ҳарфлари туширилган.

^{Фото: Telegram / @LifeShot}
Эслатиб ўтамиз, Дилара Зинатуллина Моргенштернга июнь ойининг охирида синагогада оила қуриш таклифини берганди.

Маълум бўлишича, Алишер ва Диларанинг муносабатлари 2017 йилда бошланган. 2019 йилда рэпернинг муносабатларни эълон қилиш таклифи Диларага ёқмаган ва улар барчасига нуқта қўйган. 2020 йилга келиб эса жуфтлик қайта топишган. “Замин” янгиликларини “Инстаграм”да кузатиб боринг