Танадаги ортиқча ёғлар биринчи бўлиб қорин соҳасида тўпланади ва кетиши қийин бўлади. Уни бартараф қилишга эришиш учун спорт залда икки карра кўпроқ тер тўкишга, калория миқдорини қисқартиришга тўғри келади.
Шунга қарамай, озиш бўйича британиялик мутахассиснинг белдаги ортиқча ёғларнинг кетиши учун рациондан айрим маҳсулотларни чиқариб ташлашнинг ўзи кифоя эканига ишончи комил.
Британиялик журналист, шифокор ва овқатланиш бўйича китоб муаллифи Майкл Мосли қорин соҳасидаги ушбу муаммони бартараф қилиш учун нима қилиш кераклиги ҳақида маълумот берди.
«Ҳатто энг сарвқомат инсонлар ҳам қорин соҳасида йиғилган ёғдан азият чекиши мумкин, аксарият ҳолларда эса ушбу соҳадаги ёғ қатлами, соғлик учун энг зарарли бўлиши мумкин».
Гап ҳаёт учун муҳим бўлган аъзолар атрофидаги вицеляр ёғлар ҳақида кетяпти. Ичкарида, пресс мушаклари остида жойлашган ёғни стандарт усулларнинг ўзи билан бартараф қилиш мушкул. Хавфли томони бундай ёғлар яллиғланишни, қолаверса юрак-қон томир касалликлари билан боғлиқ касалликлар, атеросклероз, метаболизмнинг бузилиши, шунингдек, иккинчи даражали қандли диабетга сабаб бўлиши мумкин.
Тадқиқотларда бирида рационни кескин ўзгартириш орқали мақсадга эришиш мумкинлиги аниқланган. «Қориндаги ёғни йўқотиш учун энг аввало шакардан воз кечиш керак», — дейди Мосли.
Шунингдек, турли десерт ва таркибида тез сингадиган углеводлар ва шакар бўлган маҳсулотлардан тийилиш керак. Шу сабаб ҳам таркибида шакар 5 фоиздан кўп бўлган исталган таом ва ичимликни рациондан қисқартириш керак. Уларни ҳафтада икки мартадан кўп истеъмол қилмаслик керак. Шоколад, ширинлик, музқаймоқ, чипс ва газланган ичимликлардан ташқари тийилиш керак бўлган маҳсулотлар қаторига оқ гуруч, оқ нон, олий навли макарон, қолаверса, манго, банан ва узум ҳам киради.
Тез сингадиган углеводларни секин сингадигани билан алмаштириш керак. Шундай экан оқ гуруч ўрнига жигаррангини, киноа ёки гречкани ейиш айни муддао бўлади. Парҳез борасида эса Майкл Ўрта Ер денгизи рациони айни муддао эканини таъкидлайди. Ушбу таомномага ёғли балиқ, сабзавот, мевалар, ёнғоқ, ёрмалар, тухум, пишлоқ, йогурт ва зайтун ёғи киради. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Жо Байден: “Баъзан хотиним мени космосга жўнатиш билан таҳдид қилади”
Омега-3 қандай қилиб озишга ёрдам беради?
Эрон АҚШдан 1 трлн доллар компенсация талаб қилди
Apple донгдор икки айфонини расман эскирган деб эълон қилди
Айрим бошқарув сервис компаниялари шартномаларида асоссиз шартлар белгилангани аниқланди
Шольц ва Путин ўртасидаги суҳбат Киевга сигнал бўлди
Россиялик депутат: «Олий маълумотлиларнинг курерлик қилиши — ватанпарварликка зид»
