![Совуқ душ қабул қилиш организмга қандай фойда беради?](/uploads/posts/2021-12/1639076349_sss.jpg)
Фото: «Домашний очаг»
Кўпчилик уйқудан туриши биланоқ ўзига келиш учун қаҳва ичишни афзал билади. Аслида эса тетиклашишнинг бир қанча усуллари бор. Улардан энг кенг тарқалгани ва сергак бўлишга ҳисса қўшишдан ташқари, иммунитетни мустаҳкамлаб, тери аҳволини яхшиланишига ёрдам берадиган усул ҳақида Harper’s Bazaar нашри маълумот беради.
Спорт машғулотларидан кейин организмнинг тикланишига ёрдам беради
Айрим спортчилар машғулотлардан кейин музли ванна қабул қилиши ҳақида эшитган бўлсангиз керак. Бу бежизга эмас: совуқ душ ҳам айнан шундай самара беради. Спорт залидаги машғулотлардан кейин мушаклар зўриқиши ва уларда яллиғланиш жараёнлари бошланиши мумкин бўлади. Гап шундаки, совуқ сув яллиғланишнинг олдини олиб, мушаклардаги оғриқни бартараф қилади.
Иммунитетни мустаҳкамлайди
Яхши самара бериши учун шифокорлар совуқ ва иссиқ сувни алмаштириб душ қабул қилишни тавсия қилади. Сув ҳароратининг кескин ўзгариши натижасида организм вирус ва касалликларга чидамли бўлади.
Вазн ташлашга ёрдам беради
Совуқ сув организмдаги моддалар алмашинувини яхшилайди, тўғри овқатланиш ва спорт билан бирга умумлаштирилганда эса мукаммал қоматга эга бўлса бўлади.
Юз териси рангини яхшилайди
Совуқ сув юз териси учун фойдали. Буни яхши билган Голливуд юлдузи Мерилин Монро ҳар тонг юзини муз бўлаклари билан артган. Совуқдан теридаги тешикчалар торайиб, юз тиниқ ва текис бўлади. Қолаверса, тонгда совуқ сувда ювиниш тетиклашиш ва уйқунинг йўқолишига ҳисса қўшади.
Диққатни жамлашга ёрдам беради
Совуқ душ диққатни жамлаш ва сергак бўлишга ёрдам беради. Гап шундаки, ҳароратнинг кескин ўзгариши организм учун стресс бўлади. Совуқ сув эса организмга салбий бўлган стрессли реакцияга изн бермайди, аксинча ҳушёр бўлишга ҳисса қўшади.
Қандай қабул қилиш керак?
Душни турлича қабул қилиш мумкин. Кимгадир 10-15 дақиқа кифоя қилса, бошқаларга 1,5-2 дақиқада иссиқ ва совуқ сувни алмаштириш етарли бўлади. Сиз эса ўзингизга тўғри келадиган усулдан фойдаланганингиз яхши. Аммо фойдали экани билан бирга совуқ душ ҳаммага ҳам тўғри келавермаслигини ёдда тутиш керак. Ҳароратнинг кескин ўзгариши юрагида муаммоси бор, қон босими баланд ва иммунитети ҳаддан ортиқ паст кишилар аҳволини янада ёмонлаштириши мумкин. Шу сабаб ҳам совуқ душ қабул қилишдан аввал, албатта, шифокор билан маслаҳатлашиш керак. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Лионель Месси: "Мендаги бу характер фарзандларимга хам ўтган" расм](/uploads/posts/2024-06/x11102a19f2_photo_2020-01-30_14-22-49.webp.pagespeed.ic.v1g-odW1Ci.webp)
Лионель Месси: "Мендаги бу характер фарзандларимга хам ўтган"
![Нима учун жисмоний машқлар ва уқалаш бел оғриғидан халос этмайди? расм](/uploads/posts/2024-06/xd20605a296_6678ee40d2c1a.webp.pagespeed.ic._tGTZXI-9X.webp)
Нима учун жисмоний машқлар ва уқалаш бел оғриғидан халос этмайди?
![Қарши давлат университетида талаба қиз пичоқланди расм](/uploads/posts/2024-06/x754c650d01_qarshi-vr9moeyr.webp.pagespeed.ic.atdKHbmkon.webp)
Қарши давлат университетида талаба қиз пичоқланди
![Сеул Россияга Украинага қурол етказиб бериш билан таҳдид қилди расм](/uploads/posts/2024-06/x3f0267557d_vcv2vpb_cebhtn6b5pbs1xxk8ekl5b6u.webp.pagespeed.ic.aKmy6RAb4I.webp)
Сеул Россияга Украинага қурол етказиб бериш билан таҳдид қилди
![Доғистонда қуролланган шахслар синагогага ўт қўйиб, полиция ходимларига ҳужум қилди (видео) расм](/uploads/posts/2024-06/x17e16d30c9_photo_2024-06-23_21-35-46-ujs0jhao.webp.pagespeed.ic.51A2whnx5H.webp)
Доғистонда қуролланган шахслар синагогага ўт қўйиб, полиция ходимларига ҳужум қилди (видео)
![Ҳусийлар Исроил портидаги кемаларга ҳужум қилди расм](/uploads/posts/2024-06/x157336fff4_photo_2024-06-23_17-33-59-gysrzsuv.webp.pagespeed.ic.aG2Bm0xWAO.webp)
Ҳусийлар Исроил портидаги кемаларга ҳужум қилди
![Қирғизистон Ўзбекистондан қурилиш маҳсулотлари импортини оширади расм](/uploads/posts/2024-06/x0263093aab_wy0ax7avvbjusms7rgcbgrffsbzczloo.webp.pagespeed.ic.VQoxgjA_CG.webp)
Қирғизистон Ўзбекистондан қурилиш маҳсулотлари импортини оширади
![Россия ва Украина «90 га 90» формуласи бўйича асирлар алмашди расм](/uploads/posts/2024-06/xedb35ac113_r5ksycji6j0z740vwnstltxnguxilfz_.webp.pagespeed.ic.I9p1MvUpuF.webp)
Россия ва Украина «90 га 90» формуласи бўйича асирлар алмашди