Умрни узайтирувчи учта сабзавотни биласизми?

Телебошловчи Елена Малышева умрни узайтирувчи учта энг оддий савзавотларни айтди.
“Жить здорово” кўрсатуви телебошловчиси Елена Малышева қизил пиёз, сабзи ва петрушканинг фойдали жиҳатлари ҳақида сўзлаб берди.

Шифокорнинг айтишича, қизил пиёз таркибида флавоноидлар бўлиб, антиоксидант хусусиятга эга. Антиоксидантлар мияга зарарли моддаларнинг етиб боришидан сақлайди, Альцгеймер касаллиги пайдо бўлиш хавфини камайтиради.

“Флавоноидлар бўйича қизил пиёз - чемпион”, - дейди шифокор.

Қуритилган сабзи клетчаткага бой. У холестериннинг ичакда сўрилишини камайтиради. Петрушка таркибида эса калий кўп. Кўкат қон босимини туширади.

Ушбу сабзавотларни тез-тез, зарур бўлса, ҳар куни истеъмол қилиш саломатликни яхшилаб, умрни узайтиради. “Замин” янгиликларини “Telegram”да кузатиб боринг