Ўзбекистон Покистонга асал экспорт қилишни режалаштирмоқда

^{© Ўзбекистон Савдо-саноат палатаси}
Ўзбекистон асал ва асаларичилик маҳсулотларини Покистонга экспорт қилишни режалаштирмоқда, дея хабар берди Савдо-саноат палатаси матбуот хизмати.

^{© Ўзбекистон Савдо-саноат палатаси}
Қайд этилишича, Савдо-саноат палатаси ва “Ўзбекистон асаларичилари” уюшмаси Покистоннинг “Adam Tradi” ва “Marhaba” асал маҳсулотларини қайта ишлаш корхоналарини кўздан кечиришди.

^{© Ўзбекистон Савдо-саноат палатаси}
Ташриф доирасида асал маҳсулотини етиштириш ва қайта ишлаш билан шуғулланувчи корхоналар раҳбарлари билан учрашувлар ўтказилди. Музокараларда Ўзбекистонда асал маҳсулотларининг етарли захираси мавжудлиги ва уни экспорт қилиш имкониятлари муҳокама қилинди.
“Биринчи босқичда 5 тонна, кейинчалик эса босқичма босқич 20 тоннадан асал ва асаларичилик маҳсулотларини Покистонга экспорт қилиш масалалари кўриб чиқилди”, — дейилади хабарда.

<sup>© Ўзбекистон Савдо-саноат палатаси

© Ўзбекистон Савдо-саноат палатаси</sup>
Ўзбекистон делегацияси корхоналарнинг ишлаб чиқариш корхоналари ва лабораторияларида бўлиб, жараёнларни яқиндан кузатишди “Замин” янгиликларини “Telegram”да кузатиб боринг