Kraken крипто-биржаси Bitcoin эгалари учун йиллик 2,5 фоиз миқдорида даромад олиш имконини берувчи кастомодиал бўлмаган янги маҳсулотни тақдим этди. Ушбу хизмат крипто-инвесторлар орасида мукофот берувчи воситаларга бўлган талаб ортиб бораётган бир пайтда, компаниянинг даромад келтирувчи лойиҳалари қаторини кенгайтирмоқда. Бу ҳақда Cointelegraph.com хабар беради.
Мазкур лойиҳа Веда инфратузилма провайдери кўмагида ишга туширилди. Веда вакилларининг сўзларига кўра, янги ечим Bitcoin активларини ўраш (враппинг), бошқа тармоқларга ўтказиш ёки крипто-ҳамёнларни мураккаб бошқариш билан боғлиқ қийинчиликларни бартараф этишга қаратилган. Kraken Эарн директори Джон Зеттлер кўплаб фойдаланувчилар ўзларида мавжуд Bitcoin активларидан осон йўл билан фойда олишни исташганини таъкидлади.
Ethereum ва Solana каби блокчейнлардан фарқли ўлароқ, Bitcoin тармоғида даромад олиш механизмлари чекланган эди. Kraken ушбу муаммони Bitcoin активларини кБТК токенига алмаштириш орқали ҳал қилади. Сўнгра Сентора платформаси ушбу маблағларни Aave, Морпҳо ва Тйдро каби кредитлаш платформаларига жойлаштиради. Тизим кастомодиал бўлмагани сабабли, фақат фойдаланувчиларнинг ўзлари ўз маблағларини тасарруф этиш ҳуқуқига эга.
Маълумотларга кўра, хизмат ишга тушганидан 10 соат ўтгач, 4000 та ҳамёндан 30 миллион доллардан ортиқ Bitcoin депозит қилинган. Таққослаш учун, Kraken январ ойида ишга туширган стабилкоин маҳсулотлари ҳозирга қадар 245 миллион доллардан ортиқ сармояни жалб қилиб, 2,2 миллион доллар даромад келтиришга улгурди.
“Zamin”ни Telegram'да ўқинг!
