Тошкентда Бишкекка авиарейслар сонини ошириш ҳамда Ўзбекистон пойтахти ва бошқа шаҳарларидан Томчига (Иссиқкўл) рейслар очиш муҳокама қилинди, деб ёзмоқда Газета.uz сайти.
Ўзбекистон ва Қирғизистон авиакомпаниялари ўн йил ичида биринчи маротаба учрашув ўтказди. Ўзбекистон Дававианазоратда ўтган ҳафта транспорт ва йўллар вазири ўринбосари Гулмира Абдралиева бошчилигидаги Қирғизистон делегацияси қабул қилинди.
«Ўзбекистон ҳаво йўллари» Миллий авиакомпанияси матбуот хизматининг хабар қилишича, учрашувда Тошкент ва Ўзбекистоннинг бошқа шаҳарларидан «Томчи» халқаро аэропортига парвозларни амалга ошириш, «Ўш» халқаро аэропорти ҳудудида ҳаво кенглигидан фойдаланиш ва авиаташувчиларнинг тижорий ҳамкорлиги масалалари муҳокама қилинди.
Бундан ташқари, Тошкент-Бишкек-Тошкент йўналиши бўйича «Ўзбекистон ҳаво йўллари» парвозлари сонини ҳафтасига тўрт маротабагача ошириш масаласи кўриб чиқилди. Қирғизистон томони Ўзбекистон авиаташувчисига Қирғизистон орқали транзит парвозларини амалга оширишга рухсат беришга тайёр эканини билдирди.
Гулмира Абдралиева Тошкент-Иссиқкўл-Тошкент йўналиши бўйича чартер рейсларини қайта тиклашга тайёр эканликларини билдирди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шавкат Мирзиёев икки йирик тузилма раҳбарлари билан мулоқот ўтказди
Собиқ "Навбаҳор" мураббийи ўзбек ва қозоқ футболадиги фарқ ҳақида гапирди
Тошкент вилоятида муқаддам 8 маротаба судланган “сохта оператор” қайта жиноятга қўл урди
Колумбия Исроил билан дипломатик алоқаларни узди
Роналду "Ал Насср"ни Қирол кубоги финалига олиб чиқди
2024 йилга субсидия миқдори белгиланди
Шифокор картошканинг айрим зарарларини очиқлади