Ўзбекистон ва Туркия эркин савдо зонасини ташкил этиш тўғрисида битим имзолашни режалаштирмоқда. Бу ҳақда Ўзбекистон инвестициялар ва ташқи савдо вазири Сардор Умурзоқов маълум қилди.
Унинг сўзларига кўра, ҳозир томонлар имтиёзли савдо тўғрисидаги келишув бўйича музокаралар олиб бормоқда. “Келгусида биз эркин савдо зонаси тўғрисида келишувга эришамиз. Бу бизнинг режаларимизда бор”, — деди Умурзоқов президент Шавкат Мирзиёевнинг Туркияга ташрифи бўйича қўшимча маълумот бериб.
Вазир сўнгги уч йил ичида икки томонлама савдо айланмаси ҳажми икки баравар кўпайганини, 2020 йил охирига қадар эса томонлар у 3 миллиард долларлик даражага етишини кутаётганини таъкидлаб ўтди.
“Президентлар яқин келажакда савдо ҳажмини 5 миллиард долларга етказиш вазифасини қўйди. Бунинг учун бизда барча асослар бор. Туркиялик шерикларимиз билан жуда жиддий ишлашимиз керак. Аввало, имтиёзли савдо тўғрисидаги келишувни имзолаш йўналиши бўйича. Биз бу билан шуғулланмоқдамиз”, — дея қўшимча қилди Умурзоқов.
Ўзбекистон президенти Шавкат Мирзиёев 19-20 февраль кунлари Туркияга ташриф буюрди ва у ерда икки мамлакат раҳбарлари раислигида биринчи маротаба олий даражадаги Стратегик ҳамкорлик кенгашининг йиғилиши бўлиб ўтди.
Музокаралар чоғида давлатлараро ҳамкорликка оид кенг кўламли масалалар, уларни ҳал қилиш йўллари, истиқболдаги муҳим вазифалар кўриб чиқилди, томонлар қўшма лойиҳаларни амалга оширишга келишиб олди. Стратегик ҳамкорлик кенгашининг биринчи мажлиси якунлари бўйича қўшма баёнот, шунингдек, савдо, иқтисодиёт ва технологиялар соҳасидаги ҳамкорлик тўғрисида ҳужжатлар имзоланди.
Ташрифнинг иккинчи кунида Мирзиёев Туркиянинг етакчи компания ва банклари раҳбарлари билан учрашди, Туркия Республикаси президенти қошидаги Халқ кутубхонасининг очилиш маросимида иштирок этди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
2026 йилда бўлажак мундиалнинг фаворитлари рейтинги тақдим этилди
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Халқаро жиноят судининг ордери Исроилни нега қўрқитяпти?
Италия суди Қуддус Исроил пойтахти эмаслиги ҳақида қарор чиқарди
Шавкат Мирзиёев Россия бош прокурори билан учрашув ўтказди
