Ўзбекистонга Россиядан биринчи «Агроэкспресс» поезди етиб келди

Поезд Тошкентга музлатилган парранда гўшти партиясини етказиб берди.

Тажриба сифатида контейнерлар партияси чегара ва божхона тартиб-қоидаларидан ўтишни, маршрут бўйлаб товарлар хавфсизлиги сифатини синовдан ўтказиш имконини берди ҳамда кейинги қатновларгача юкларни етказиб бериш жараёнини соддалаштириш ва такомиллаштириш имкониятларини кўрсатди.

Мамлакатлар ўртасида «Агроэкспресс»нинг барча технологик ва назорат масалалари ишлаб чиқилгандан сўнг улар мунтазам ва тўлақонли бўлади.

Аввалроқ «Агроэкспресс» махсус поездлари орқали Ўзбекистон гўшт ва ун эвазига Россияга мева-сабзавот жўнатиши ҳақида хабар берилганди. Лойиҳага Қозоғистон ҳам қўшилган.