АҚШнинг Ўзбекистондаги элчихонаси 9 май — Хотира ва қадрлаш куни муносабати билан берган баёнотида ҳозирги Россия ва 1945 йилгача бўлган даврдаги Германияни солиштирган.
«Бугун биз Америка Қўшма Штатлари, Буюк Британия ва бошқа иттифоқчи давлатлар билан биргаликда Совет қўшинларининг 34 миллион аъзоси сафида хизмат қилган 530 мингдан ортиқ ўзбекистонлик қўшган ҳисса ва қурбонларни хотирлаймиз ҳамда шарафлаймиз. Биз уларга, уларнинг оилалари ва авлодларига чуқур ҳурмат бажо келтирамиз.
9 май тинчлик ва озодлик ғалабаси сифатида нишонланаётган бир паллада, афсуски, бугунги кунда ҳам 1945 йилдан аввал бўлгани каби даҳшатли хатти-ҳаракат турини кўрмоқдамиз: яъни ҳозир бир давлат ўз қўшнисини бўйсундириб, унинг ҳудудини куч билан босиб олишга уринмоқда. Дунёмиз бундай қоронғу ва хатарли ўтмишга қайтишига сира йўл қўя олмаймиз. Шу боис биз бундай босқинчилик ҳаракатларини қоралаймиз ҳамда ўз мустақиллиги, суверенитети ва ҳудудий яхлитлигини ҳимоя қилишга интилаётган барча халқларнинг жасоратини эътироф этамиз.
Бугун зулмга қарши курашда Ўзбекистон ва Америка Қўшма Штатлари ўртасидаги муштарак тарихни ёдга оламиз. Ғурурли мустақил Ўзбекистон халқига эса куч-қувват, соғлик, тинчлик ва фаровонлик тилаймиз», дейилади баёнотда.
Эслатиб ўтамиз, Россия ва Украина ўртасидаги вазият ҳамон хавфлилигича қолмоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ ҳарбийлари орасида ўз жонига қасд қилиш кўпайди
Боррел ЕИнинг Исроил билан мулоқотини тўхтатишни таклиф қилди
НАТО бош котиби Украинанинг фронтдаги аҳволи ёмонлашганини тан олди
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
Кремль Украина бўйича музокарада шартлар қўйишга уринмоқда
АҚШ Исроилнинг икки вазирига санкция қўлламоқчи
Россия армияси Купянскка киргани айтилмоқда
