Хоразм ва Навоийда кучли шамол биноларнинг том қисмини учириб юборди

^{Фото: ФВВ}
Фавқулодда вазиятлар вазирлиги қутқарувчилари томонидан Хоразм ва Навоийда шамол оқибатлари бартараф этилди, дея хабар бермоқда вазирлик ахборот хизмати.

Гидрометеорология хизмат маркази томонидан 20–23 май кунлари Ўзбекистон ҳудудларида шамол тезлиги секундига 23–28 метргача кучайиши, шунингдек, баъзи жойларда бу чангли бўронларни кўтариши мумкинлиги тўғрисида хабарлар берилган.

21 май куни Хоразм, Навоий вилоятларида гидрометеорологик табиат ҳодисалари кузатилди. Хоразм вилояти Урганч шаҳар ҳудудида соат 10:45 да Урганч шаҳар Абулғози Баҳодирхон кўчасидаги уйнинг, тахминан, 70 метр квадрат майдонда том қопламасини шамол оқибатида уйнинг орқа томонидаги автотураргоҳга учиб тушган. Оқибатда Gentra’га қисман зарар етказган.

Урганч тумани «Ғалаба» МФЙдаги хусусий уйнинг, тахминан, 80 квадрат метр шифер қопламаси шамол оқибатида учиб ерга қулаб тушган. Воқеа жойида тан жароҳати олганлар йўқ.

Навоий вилоятининг Учқудуқ туманида кузатилган кучли шамол оқибатида «Дўстлик» МФЙда жойлашган уйнинг, тахминан, 5 метр квадрати, «Йўлчилар» МФЙда 2 та хонадоннинг 4 метр квадратдан том қисми шифер ва тунукаларини учирган. Ҳолат оқибатида аҳоли тан жароҳати олиши бўйича ФВВ таркибий тузилмалари ва тиббиёт муассасаларига мурожаатлар келиб тушмаган.

Шу муносабат билан Фавқулодда вазиятлар вазирлиги 21–23 май кунлари республикада кучли шамол ва ёғингарчиликлар юзага келиши муносабати билан аҳолини кучли шамол хонадонлар, ижтимоий-иқтисодий объектларнинг бино ва иншоотлари том қопламаларини учириши, ташқи реклама конструкциялари ҳамда дарахтларни ағдариши ёки синдиришга олиб келиши билан боғлиқ хавфлар юзага келиши, бундан ташқари, тоғли ва тоғолди ҳудудларида сел ва тошқинлар билан боғлиқ бахтсиз ҳодисалар келтириб чиқариши мумкинлиги тўғрисида огоҳлантиради. “Замин” янгиликларини “Одноклассники”да кузатиб боринг