Тошкентдаги ҳовли МИБ томонидан 10 млрд сўмга аукционга қўйилди

^{Фото: E-auksion}
Тошкент шаҳар, Мирзо Улуғбек тумани, Садаф кўчасидаги 7—9-уйлар кимошди савдосига қўйилди. Лот маълумотлари E-auksion порталида эълон қилинган.

Лот аукционга жиноят ишлари бўйича суд ҳукми билан Яшнобод тумани МИБ томонидан жойлаштирилган. Ушбу 2 қаватли уй 10 хонадан иборат.

Ер участкасининг умумий майдони — 0,13 гектар. Бинонинг майдони — 839,4 квадрат метр. Ҳовлида газ, сув, электр таъминоти ва канализация тизими мавжуд.

^{Фото: E-auksion}
Аукционга қўйилган ҳовлининг бошланғич баҳоси — 10 млрд сўм. Аризалар 13 июль 09:00 га қадар қабул қилинади. Савдолар худди шу куни 10:00 да бошланади. «Замин»ни Telegram’да ўқинг!