Қарздорга тегишли иссиқхона хатланди

Боғот туманлараро иқтисодий судининг ижро ҳужжатига асосан қарздор корхонадан ундирувчи АТБ “Ипотека банк” фойдасига жами 23,2 млрд сўм ундириш тўғрисидаги ижро ҳужжати Бюронинг Хоразм вилояти бошқармаси алоҳида муҳим ижро ишларини ижро этиш шўъбаси иш юритувига келиб тушган ва ижро ҳаракатларига киришилган.

Ижро ҳужжати юзасидан гаровга қўйилган юридик акт бўйича ер майдони 75.000 кв.метрни ташкил қилувчи “Замонавий типдаги иссиқхона” бино иншоотлари ва ускуналари хатланди.

Ҳозирда, Мажбурий ижро бюросининг Хоразм вилояти бошқармаси алоҳида муҳим ижро ишларини ижро этиш шўъбаси томонидан ижро иши юзасидан қарздорликни бартараф қилиш бўйича тегишли чоралар кўрилмоқда. «Замин»ни Telegram’да ўқинг!