Сувни нажосатга қўшилишидан эҳтиёт қилиш

CАВОЛ: "Мустаҳабни ҳожатхонада қилса бўлмайди, уни сувини алоҳида бошқа жойга кетадиган жойда қилиш керак", дейишади. Бу бидъат гапми?

ЖАВОБ: Бу бидъат эмас. Сувни нажосатга қўшилишдан эҳтиёт қилиш учун авваллари шундай шароит қилинган. Лекин кейинчалик аҳоли зичлашиб, ҳожатхоналар, айниқса, кўпқаватли уйларда сув билан (канализациялар орқали) чиқариб юборишдан бошқа иложи қолмагани учун, уламолар бунга рухсат беришди ва истинжони ҳам шу ерда қилиш мумкин бўлди. Мустаҳабни шаръий номи “истинжо” дейилади. Валлоҳу аълам.

Манба: Ўзбекистон мусулмонлари идораси Фатво маркази