Ўртачирчиқда ота фарзанди 18 ёшгача бўлган таъминотни олдиндан тўлади

Мажбурий ижро бюросининг Ўртачирчиқ туман бўлими иш юритувида фуқаролик ишлари бўйича Ўртачирчик туманлараро судининг 14.08.2018 йилдаги суд буйруғига асосан қарздор Д.Мирсидиковдан, ундирувчи З.Мирсидикова фойдасига бир нафар вояга етмаган фарзандининг таъминоти учун 4/1 қисми миқдорда алимент ундириш тўғрисидаги ижро ҳужжати мавжуд бўлиб, давлат ижрочиси томонидан қарздор Д.Мирсидиков алимент қарздорликни бартараф қилиши тўғрисида бир неча бор расман огоҳлантирилишига қарамасдан 13 ой давомида 12.000.000 сўм миқдордаги алимент қарзларини тўламасдан келган.

Шу сабабли бўлим давлат ижроси томонидан қарздор Д.Мирсидиковга нисбатан Ўзбекистон Республикаси МЖтКнинг 47прим 4-моддаси тартибида маъмурий иш расмийлаштирилиб, жавобгарлик масаласини ҳал қилиш учун жиноят ишлари бўйича Ўртачирчиқ туман судига тақдим қилиш жараёнида қарздор Д.Мирсидиков жавобгарликни ҳис қилган ҳолда боласи 18 ёшга тўлгунига қадар жами 19.000.000 сўм алимент пулларини тўлиқ тўлаши натижасида мазкур ижро ҳужжати амалда тамомланган. «Замин»ни Telegram’да ўқинг!