Ошхоналарда қўшимча хизмат ҳақи олиш мумкинми?

CАВОЛ: 

Ошхона, кафе ва ресторанларда сотилган таомлардан ташқари уни устига мижозлардан 10-15 фоиз ҳисоблаб пул олишади. Шу иш тўғрими?

ЖАВОБ: 

Бу ошхонадаги хизматчилар учун олинадиган қўшимча хизмат ҳақи. Буни кўпинча таомнома остида ёки бирор жойда ёзиб қўйишади. Сиз шу ошхонада таомланишингиз асносида ўша хизматчиларга буюртма беришингиз, сизни бу шартга рози эканлигингизни билдиради ва бу шаръан тўғри ҳисобланади. Агар рози бўлмасангиз, ошхона маъмурияти билан хизмат керак эмас деб келишиб олишиб, ўзингиз хизмат қилишингиз мумкин. Валлоҳу аълам.

Манба: Ўзбекистон мусулмонлари идораси Фатво маркази