Ўзбекистонда 3 та давлат банки қолади, қолганлари хусусийлаштирилади. Бу ҳақда ЎзЛиДеПдан Ўзбекистон президентлигига номзод Шавкат Мирзиёев ўз сайловолди дастурида эълон қилди.
Унга кўра, 2030 йилгача қуйидаги ишлар амалга оширилади:
Банк ва молия тизимида йиллик кредитлаш ҳажми ҳозирги 18 миллиард доллардан 40 миллиард долларга етказилади.
Тадбиркорлар учун кредитлар ўртача 20 фоиздан 10-12 фоизгача туширилади.
Шу мақсадларга эришиш учун:
— банк омонатлари ҳажми 4 баробарга оширилади (70 триллион сўмдан 260 триллион сўмгача).
— банкларни хусусийлаштириш тезлаштирилади. Давлат ихтиёрида фақат 3 та банк қолади (“Миллийбанк”, “Халқ банки” ва “Агробанк”);
— банк бозорига яна камида 4 та йирик нуфузли чет эл банки кириб келиши учун имконият яратилади.
