Ўзбекистон ва Саудия Арабистони энергетика, соғлиқни сақлаш, таълим, сув таъминоти, қишлоқ хўжалиги ва инфратузилмавий ривожланиш соҳаларида қатор муҳим дастурларни амалга оширмоқчи, деб хабар бермоқда Инвестициялар, саноат ва савдо вазирлиги ахборот хизмати.
Унга кўра, бу борада фаол ишлар олиб борилмоқда. Инвестициялар, саноат ва савдо вазири Лазиз Кудратовнинг Саудия Арабистони Подшоҳлиги инвестициялар вазири Холид ал-Фалиҳ билан музокаралари вақтида бу бўйича маълумот берилган. Томонлар мамлакатда “яшил” водородни ривожлантириш соҳасидаги лойиҳаларга ҳам алоҳида эътибор қаратди.
Шунингдек, жорий йилнинг кузида бўлиб ўтадиган Ўзбекистон-Саудия ҳукуматлараро комиссиясининг навбатдаги йиғилишига тайёргарлик кўриш масалалари ҳам муҳокама қилинди.
“Замин” янгиликларини “Инстаграм”да кузатиб боринг
