Тошкентда уч кишининг ёнидан жами 41 дона гиёҳвандлик воситалари топилди

^{Фото: Тошкент шаҳар ИИББ ахборот хизмати}
Тошкент шаҳар ИИББ ва бошқа ҳуқуқни муҳофаза қилувчи органлар ҳамкорлигидаги гиёҳвандликка қарши курашиш йўналишида тезкор тадбирлар давом этмоқда, деб хабар берди пойтахт ИИББ ахборот хизмати.

^{Фото: Тошкент шаҳар ИИББ ахборот хизмати}
2024 йилнинг 24 февраль куни Миробод туманида ўзини шубҳали тутган, 1991 йилда туғилган Корниенко Георгий Валеревич текширилганда ёнидан 21 дона ўрамдаги гашиш ва “Мефедрон” гиёҳвандлик воситалари борлиги аниқланиб, ашёвий далил сифатида расмийлаштириб олинган.

Шунингдек, 28 февраль куни соат 22:20 ларда Янгиҳаёт туманида ўзини шубҳали тутган 2001 йилда туғилган Илёсов Самандар Рустам ўғли ва 2001 йилда туғилган Бахтиёров Жамшидбек Шерзод ўғли тўхтатиб, холислар иштирокида текширилганда ёнидан 2 дона ўрамда бўлган “Мефедрон” гиёҳвандлик воситаси аниқланган.

^{Фото: Тошкент шаҳар ИИББ ахборот хизмати}
Текширув жараёнида ушбу фуқаролар яна бир нечта жойда гиёҳвандлик воситаларини яширишганлигини маълум қилган ва холислар иштирокида жами 18 дона яширилган гиёҳвандлик воситалари аниқланиб, ашёвий далил сифатида расмийлаштириб олинган.

Мазкур ҳолатлар юзасидан Жиноят кодексининг 273-моддаси 5-қисми билан (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш, гиёҳвандлик воситалари, уларнинг аналоглари ёки психотроп моддаларни кўп миқдорда қонунга хилоф равишда сотиш) жиноят иши қўзғатилиб, тергов ҳаракатлари давом этмоқда. Тергов якуни бўйича қонуний қарор қабул қилиниши таъминланади. “Замин” янгиликларини “Telegram”да кузатиб боринг