Фото: Қишлоқ хўжалиги вазирлиги
Тошкентдаги бозорда арзонлаштирилган савдо ярмаркасида қишлоқ хўжалиги маҳсулотларнинг нарх-навоси ўрганилди. Бу ҳақда Қишлоқ хўжалиги вазирлиги хабар берди.
Маълум қилинишича, Олий Мажлис Сенати Аграр ва сув хўжалиги масалалари бўйича қўмитаси раҳбари Баҳодир Тожиев ва Қишлоқ хўжалиги вазирлиги бошқарма бошлиғи Баҳодир Юнусовлар томонидан пойтахтимиздаги “Фарҳод” деҳқон бозорида озиқ-овқат хавфсизлиги ҳамда нарх-наво барқарорлигини таъминлаш борасида амалга оширилган ишлар, сотувчи ва харидорларга яратилган шароитлар ўрганилди.
Деҳқон бозорида арзонлаштирилган савдо ярмаркаси ташкил этилган бўлиб, унда асосан қишлоқ хўжалиги маҳсулотлари сотилади. Бу ерда аҳоли эҳтиёжи учун барча турдаги озиқ-овқат маҳсулотларини арзонлаштирилган нархларда топиш мумкин. Ўрганишлар давомида паррандачилик маҳсулоти — тухумнинг 1 донаси 900-1100 сўм, мол гўшти (1 кг) 60 минг сўм, қўй гўшти (1 кг) 65 минг сўм, шакар (1 кг) 13300 сўм, помидор (1 кг) 4000-5000 сўм, сабзи (1 кг) 2500 сўмдан, пиёзнинг нархи 1,5 минг сўм ва картошка 3,5 минг сўм экани қайд этилди.
Аҳолининг кунлик эҳтиёжини қишлоқ хўжалиги маҳсулотлари билан узлуксиз таъминлаш борасида бозор маъмурияти ва Тошкент вилояти ҳамда Сурхондарё вилоятлари фермер деҳқон хўжаликлари ўртасида шартномалар мавжуд бўлиб, қишлоқ хўжалиги маҳсулотлари босқичма-босқич етказилади. Маҳсулотлар захирасини шакллантириш ва уларни талафотсиз сақлаш бўйича ҳам барча шароитларга эга сақлаш омборлари ташкил этилган.
Қайд этилишича, бу каби нарх-наволар мониторингини амалга ошириш аҳолига арзон ва сифатли маҳсулотларни етказиш билан бирга нархларнинг сунъий ва асоссиз равишда оширилишининг олдини олишга хизмат қилади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Диетолог қандай қилиб нон истеъмол қилмасдан қисқа вақтда озиш мумкинлигини айтди
Дунёдаги энг бахтли шаҳарлар рейтинги эълон қилинди
Ҳиндистонда 50 дан ортиқ дори-дармонлар сифатида муаммо аниқланди
Трамп Зеленскийнинг АҚШга ташрифи чоғида у билан учрашишдан бош тортди
Оятуллоҳ Хоманаий: “Йўқотишларга қарамай, “Ҳизбуллоҳ” кучли бўлиб қолади”
Трамп Эрон томонидан ўлим таҳдиди ҳақида огоҳлантирилди
Трамп: Россия Гитлер ва Наполеонни мағлуб этган, Москва мағлубиятини кутишнинг ҳожати йўқ
Яқин Шарқ катта уруш остонасидами?