Япониянинг Ўзбекистондаги собиқ элчиси Акио Кавато Ўзбекистоннинг биринчи президенти Ислом Каримов ҳақида хотирлаб, Коммерсант.ru нашрига интервью берди, дейилади "Кун" нашрида.
"Мен Ислом Каримов билан охирги марта 2004 йилнинг августида кўришгандим, ўшанда Япониянинг Ўзбекистондаги элчиси лавозимини тарк этиб, ватанимга йўл олаётгандим. Шу муносабат билан президент қароргоҳида расмий тадбир ўтаётганди, мен Япония ташқи ишлар вазири Иорико Кавагути хонимга музокараларда ҳамроҳлик қилгандим. Ўшанда бир воқеа ёдимда қолган: Япония делегацияси учрашувни якунлаб, Ўзбекистон раҳбари билан хайрлашаётганда бехосдан қўлимдаги қоғоз тушиб кетди. Бундан хижолат бўлиб, энди қоғозни кўтармоқчи бўлганимда Ғарбда "шафқатсиз мустабид" деб аталувчи президент Каримовнинг ўзи энгашиб қоғозни олди-да, жимгина менга узатди. Наҳотки, диктатор элчи олдида ана шундай қилса?! Мен унинг олижаноблигини ҳис қилгандим ва ҳеч қачон у ҳақида ёмон гапирмадим", - дейди собиқ элчи.
Акио Кавата ўзбек халқининг катталарни ҳурмат қилиш борасида японларга ўхшаб кетишини таъкидлади, лекин Ўзбекистонда анъаналарга содиқлик улардан-да кучли эканлигини тан олди.
"Япониянинг Ўзбекистондаги элчиси лавозимига киришар эканман, мамлакат президентига императоримиз томонидан тасдиқланган ишонч ёрлиғини топшира туриб, барча расмиятчилик билан боғлиқ вазифаларимни тугалладим ва бир қарашда кичик хатога йўл қўйдим - қўлимни чўнтагимга солдим. Шу пайт Каримовнинг нигоҳи менга қадалгани ва бу унга ёқмаганини сездим. Бу менга берилган биринчи сабоқ эди: раҳбар учун расмиятчилик - қуруқ сўз эмас, у ҳеч нарсани эътибордан четда қолдирмасди, бунга кўп марта гувоҳ бўлганман", - дея хотирлайди Акио Кавата.
"Ўша пайтлар мен янги темир йўл линияси қурилишига алоҳида эътибор қаратган эдим, бу темир йўл мамлакатнинг шимолий ва жанубий томонларини тоғлар орқали бирлаштириши керак бўлган. Мен беташвиш пацифист сифатида шимол ва жануб ўртасидаги хўжалик алоқаларининг яхшиланиши ҳақида ўйлаб, ўжар япон амалдорларини йўлни молиялаштиришга аранг кўндирардим. Президент Каримов эса кенгроқ фикр юритарди, айнан шу лойиҳа давлат раҳбарининг узоқни кўра билишига яққол мисол бўла олади.
Мен президентни Ўзбекистонга нисбатан япон фаол сиёсати ўзгаришсиз қолишига ишонтиргандим, бу Ислом Каримовга жуда маъқул келганди.
Ислом Каримов ўз мамлакати мустақиллигини жуда қадрлар эди ва қандайдир хорижий кучларнинг унга аралашувини ёқтирмасди. Мен унинг сиёсатини доим маъқуллар эдим.
Ислом Каримов 25 йилдан ортиқ вақт давомида давлат бошқарувида кўп ишларни амалга оширишга улгурди. Энг аввало, давлат тизимини йўлга қўйди, мустақил иқтисодиёт барпо этди. Шу билан бир қаторда мустақил ташқи сиёсатни ишлаб чиқа олди. Мана шундай мураккаб жараёнда у кўп нарсалардан воз кечишига тўғри келди, зеро Ислом Каримов биринчи навбатда ўз мамлакати ҳақида қайғурарди", - дея таъкидлади собиқ япон элчиси.
Акио Кавата бугунги Ўзбекистоннинг кўркамлашганига ҳам алоҳида тўхталиб ўтди.
"Ўзбекистонга шарқий йўналишдан парвоз қилар экансиз, баландликдан Фарғона водийси далаларининг орасталигига қараб ажабланасиз. Завод ва фабрикаларга ташриф буюрсангиз, ўзбек менежерлари ўз ишини яхши тушуниши билан ижобий таассурот қолдиради. Август ойининг бошида Япония делегацияси таркибида Ўзбекистонга ташриф буюрдим ва сўнгги йилларда Тошкентнинг нақадар гўзаллашганига гувоҳ бўлдим. Ўзбеклар ўз қўли билан янги қадриятларни яратишни яхши билишади.
Сўзим сўнгида президент Каримовнинг вафоти муносабати билан чуқур ҳамдардлигимни билдираман. Инсонлар одатда унутишга мойил бўлишса-да, ишончим комил: Каримов томонидан ўрнатилган умумий йўналиш - давлат мустақиллиги ва кишилар ҳаётининг фаровонлиги йўлида хизмат қилиш мерос бўлиб қолади. Руҳингиз тинч бўлсин, Ислом Абдуғаниевич", - дея ўз сўзларига якун ясади Акио Кавата. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Ғазода 2023 йил октябрь ойидан буён 17 мингдан ортиқ бола ҳалок бўлган...
