Германия канцлери Самарқандга етиб келди

^{Фото: ЎзА}
Шавкат Мирзиёевнинг таклифига биноан Германия канцлери Олаф Шольц Самарқандга келди. Бу ҳақда ЎзА хабар берди.

Самарқанд шаҳри аэропортида Германия ҳукумати раҳбарини Ўзбекистон бош вазирининг ўринбосари Жамшид Хўжаев ва бошқа расмийлар кутиб олди.

^{Фото: ЎзА}
Олий мартабали меҳмон шарафига икки давлат байроқлари кўтарилди ва фахрий қоровул саф тортди.

^{Фото: ЎзА}
Саммитнинг асосий тадбирлари Самарқанд шаҳридаги Конгресс марказида бўлиб ўтади. Олий даражадаги музокаралар ва икки мамлакат етакчиларининг ишбилармонлар билан учрашуви ўтказилиши, шунингдек, шаҳарнинг диққатга сазовор жойлари билан танишиш кўзда тутилган. «Замин»ни Telegram’да ўқинг!