Халқимизда “данагидан мағизи ширин” деган нақл бор. Бобо-буви неварага меҳр қўяди.
Бобо-буви ва невара ўртасидаги меҳр уларнинг ўзаро мажбуриятларининг бажарилишини таъминлайди. Акс ҳолда, бу каби мажбуриятларнинг бажарилишини таъминлашга суд аралашуви билан бўлади.
Фуқаролик ишлари бўйича Пастдарғом туман судининг 08.07.2024 йилдаги ижро варақасига асосан, даъвогар Р.Р.нинг талабига кўра, 2020 йил 21 сентябрда туғилган набираси билан ҳар ойнинг биринчи ва учинчи якшанба кунлари соат 10:00 дан 17:00 гача онаси Р.У.нинг иштирокида учрашув тартиби белгиланган.
Давлат ижрочиси томонидан ушбу суд қарорига мувофиқ, жорий йилнинг март ойида даъвогар қайнонага ўз набираси билан учрашув ташкил қилиниши таъминланди.
Мазкур учрашувлар ҳар ойнинг белгиланган кунларида, белгиланган вақтда ва тартибда ўтказилади ва бу ҳолат ҳар томонлама қонунга мувофиқ амалга оширилади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
