Хавфли ҳолат: йўлдаги тортишувдан сўнг қиз ҳаракатдаги машинадан сакради

Тошкент шаҳрида содир бўлган ноодатий воқеа ижтимоий тармоқларни яна бир бор титратди, деб хабар берди iibb.uz. 7 июль куни Мирзо Улуғбек тумани, Мустақиллик кўчасида, йўл ҳаракати иштирокчиси бўлган икки ёш ўртасида келишмовчилик оқибатида аёл киши тўғридан-тўғри ҳаракатдаги автомашинадан сакраб тушган.

Маълумотларга кўра, 2001 йилда туғилган Х.А. ўзининг таниши, 2006 йилда туғилган Б.Ж. билан «Nexia» русумли автомашинада баҳсга киришади. Келишмовчилик чўққига етганда, Б.Ж. юраётган транспорт воситасининг эшигини очиб, бевосита йўл қисмига сакрайди. Айрим фойдаланувчилар буни ўғирлик деб тахмин қилди, бироқ ҳукумат расмийлари воқеа аслида шахсий низо фонида содир бўлганини таъкидлади.

Ҳодиса жойига тезкорлик билан етиб келган ички ишлар органлари ходимлари жабрланувчига биринчи тиббий ёрдам кўрсатиб, шифохонага олиб боришди. Шифокорлар биринчи текширувда унда пешона ва чап ёноқ соҳасида юмшоқ тўқималар лат ейиши ҳамда тери ости гематомаси аниқлашган.

Ҳозирда ушбу ҳолат бўйича терговга қадар текширув жараёнлари олиб борилмоқда. Текширув якунида қонун доирасида тегишли қарор қабул қилиниши таъминланади. «Замин»ни Telegram’да ўқинг!