Ўзбекистоннинг Покистондаги элчихонаси кўмагида одам савдоси қурбонига айланган Х.Е. Ватанга қайтарилди, дея хабар қилди «Дунё» АА.
Маълум қилинишича, ҳамюртимиз 2018 йили Лаҳорга гўёки салонда ишлаш шартлари билан борган. Бироқ у ерда номаълум шахслар томонидан алданиб, фоҳишалик уйига сотиб юборилган.
Шу боис Х.Е. Ўзбекистон элчихонасига мурожаат қилиб, Ватанга қайтишда ёрдам сўраган. Дипломатик ваколатхона ходимлари унга консуллик-ҳуқуқий ёрдам кўрсатиб, зарур ҳужжатларни тайёрлаб берди ва қайтиш гувоҳномасини расмийлаштирди.
Покистон мутасаддилари билан олиб борилган музокаралар натижасида у қонунбузарлик билан боғлиқ жавобгарликдан халос қилинди ва жарималарсиз депортация қилиниши таъминланди.
Ўзбекистон элчихонаси ва Миграция агентлиги кўмагида юртдошимиз учун авиачипта харид қилиниб, 27 сентябрь куни «Uzbekistan Airways»нинг «Исломобод–Тошкент» рейси орқали Ватанга қайтарилди.
Таъкидланишича, хориждаги фуқаролар ҳуқуқ ва манфаатларини ҳимоя қилиш ҳамда уларга ҳар томонлама ёрдам кўрсатиш мамлакатимиз ташқи сиёсатининг устувор йўналишларидан бири ҳисобланади.
“Zamin”ни Telegram'да ўқинг!
