Фарғона вилояти Олтиариқ туманида кўп хотинли эркаклардан бири ўз хотинларидан бирини доимий равишда калтаклаб келгани учун жазоланди. Бу ҳақда UPL нашри хабар берди.
Маълумотларга кўра, 2001 йилда туғилган эркак икки аёл билан бир хонадонда яшаган. Ўтган йилнинг май ойида у хотинларидан бирини, ҳомиладор бўлганига қарамай, калтаклаган.
Натижада аёл ўрта даражада тан жароҳатлари олган. Эркак дастлаб 3,5 йил озодликдан маҳрум қилиш жазоси олган.
Аммо жорий йилнинг сентябр ойида унинг адвокатлари суд қароридан норози бўлиб, апелляция киритишди. Ҳимоячилар жабрланган аёл билан ярашгани ва унга етказилган зарар қопланишини таъкидлаб, жазони енгиллаштиришни сўрашди.
Суд ҳолатларни инобатга олиб, жазони 1,5 йил озодликдан маҳрум қилишга ўзгартирди.
Меҳмон гуруҳидаги фойдаланувчилар ушбу мақолага изоҳ қолдира олмайди.
