Ўзбекистон фуқароларига пенсия тўловларини қулай ва тезкор кузатиш имконияти яратилди. Пенсия жамғармаси мутахассислари «СМС-пенсия» хизматини Ягона интерактив давлат хизматлари портали (my.gov.uz) орқали улаш бўйича босқичма-босқич йўриқнома тақдим этди.
«СМС-пенсия» хизмати нафақахўрларга пенсия маблағлари ҳисоб рақамига тушганда мобил телефонларига дарҳол хабарнома олиш имконини беради. Бу хизмат нафақаларни кузатишни осонлаштиради ва банк ёки Пенсия жамғармасига тез-тез мурожаат қилиш заруратини йўқ қилади.
Хизматни фаоллаштириш учун қуйидаги оддий қадамларни бажариш талаб этилади: Аввало, фойдаланувчи Ягона интерактив давлат хизматлари портали (my.gov.uz)да рўйхатдан ўтиши керак. Шундан сўнг, тегишли ҳаволага ўтиб, «Хизматни олиш» тугмасини босиш ва мобил телефон рақамини киритиш лозим.
Эслатма: Ушбу хизматдан фақат пенсия олувчилар фойдаланишлари мумкин.
