Ижтимоий тармоқларда Андижон шаҳридаги автошох бекатда ҳайдовчилар йўловчи талашиб жанжаллашгани ҳақидаги видео кенг тарқалди. Бу ҳолат юзасидан вилоят Ички ишлар бошқармаси расмий изоҳ берди.
Маълумотларга кўра, воқеа жорий йилнинг 5 ноябрь куни соат 15:35 ларда Андижон шаҳрининг Ўзбегим маҳалласида, Амир Темур кўчасида жойлашган “Автошох бекат” ҳудудида содир бўлган. Андижон–Қўқон йўналишида фаолият юритувчи икки ҳайдовчи — Асака туманида истиқомат қилувчи 33 ёшли А.Х. ва Фарғона вилояти Қўқон шаҳрида яшовчи 32 ёшли О.Х. ўзаро келишмовчилик ортидан тортишувга киришган.
Ҳодиса чоғида бошқа фуқароларга зарар етмагани маълум қилинди. Бироқ жанжал вақтида вазият кескинлашгани сабабли, ҳодисани ички ишлар ходимлари назоратга олган.
Текширув натижаларига кўра, фуқаро О.Х.нинг ҳаракатларига нисбатан Маъмурий жавобгарлик тўғрисидаги кодекснинг 183-моддаси асосида баённома расмийлаштирилган. Жиноят ишлари бўйича Андижон шаҳар суди уни 15 суткага маъмурий қамоққа ҳукм қилди.
Ҳозирда вазият барқарор, автошох бекат фаолияти одатдаги тарзда давом этмоқда.
Эслатиб ўтамиз, аввалроқ Фарғона вилоятида боғга ҳайвон кириши ортидан юз берган тортишув оқибатида 38 ёшли эркак тош билан уриб ўлдирилгани ҳақида хабар берилганди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
