Навоий вилоятидаги Тудакўл кўлида бракoнерлар табиатга 680 миллион сўмдан ортиқ зарар етказгани аниқланди. Ҳудудда ўтказилган кенг кўламли рейдлар давомида Экополиция, ИИВ ва Миллий гвардия ходимлари ҳуқуқбузарлардан қарийб ярим тонна ноқонуний овланган балиқни олиб қўйди. Бу ҳақда podrobno.uz хабар беради.
Энг йирик ҳолатда қоидабузарлар қўлидан беш турга мансуб 417 дона балиқ топилган. Мазкур эпизод бўйича ҳайвонот оламига етказилган зарар 562 миллион сўмга баҳоланди.
Яна бир ҳолатда уч нафар эркак тақиқланган леска тўрлардан фойдаланган ҳолда 39 дона балиқ тутишга улгурган. Улар бундан 120 миллион сўм миқдорида компенсация тўлашига тўғри келади.
Иш бўйича ашёвий далил сифатида жами 416 килограмм балиқ ва 300 метр тўр расмийлаштирилди. Ҳозир мазкур ҳолатлар юзасидан терговга оид ҳаракатлар олиб борилмоқда, вилоят сув ҳавзаларида кучайтирилган текширувлар эса давом этяпти.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
