Taftish.uz иши: Тошкент ИИББ беш кишини расман ушлади

Ижтимоий тармоқларда «Taftish.uz» интернет нашри таҳририяти “бутунлай олиб кетилгани” ҳақида турли хабарлар айланганидан сўнг, вазиятга Тошкент шаҳар ИИББ расмий муносабат билдирди.

Расмий ахборотга кўра, 2026 йил 16 январь куни Ўзбекистон Республикаси Жиноят кодексининг 165-моддаси ва 168-моддасида назарда тутилган жиноятларни содир этганликда гумонланиб, бир қатор шахслар процессуал тартибда ушланган.

ИИББ баёнотида қўлга олинганлар сифатида қуйидагилар санаб ўтилган:

• 1988 йилда туғилган Ғайрат Абераев

• Taftish.uz интернет нашри ходимлари:

  • 1992 йилда туғилган Азизжон Юлдашев

  • 2000 йилда туғилган Сардор Ҳамидов

  • 2006 йилда туғилган Маржона Эшқувватова

  • 1998 йилда туғилган Дилшод Нишонов

Шунингдек, расмий маълумотда айтилишича, айни пайтда ушбу шахсларнинг Жиноят кодексининг 139-моддаси ҳамда 244/6-моддасида назарда тутилган ҳолатларга алоқадорлиги ҳам текширилмоқда.

Ҳозирги босқичда энг муҳим нуқта шу: гап гумон ва тергов текшируви ҳақида кетяпти. Яъни, кейинги хулоса — иш материаллари, далиллар ва ҳуқуқий баҳога қараб чиқади. Расмий томон қўшимча маълумот берилишини ҳам қайд этган.

Shuhrat Razzakov

«ZAMIN.UZ» муҳаррири