Шаҳризабзда касб таълими маркази ташкил этиш ишлари бошлаб юборилди, деб хабар бермоқда Спутник нашри.
"Шаҳарда 60 ўринлик ётоқхонаси бўлган, 240 ўқувчига мўлжалланган Касб таълими маркази қурилиши лойиҳасини амалга ошириш учун Корея Республикаси ҳукуматининг умумий қиймати 8,5 млн АҚШ доллари бўлган гранти жалб этилди", — дейилган хабарда.
Қурилиш учун шаҳардаги собиқ "Ҳужум" фабрикасининг маъмурий ва ишлаб чиқариш биноси ажратилди. Қурилиш буюртмачиси Корея халқаро ҳамкорлик агентлигининг(KOICA) Ўзбекистондаги офиси ҳисобланади.
Марказ давлат таълим муассасаси ҳисобланади ва бевосита Меҳнат вазирлигига бўйсунади, умумий ўқув-услубий раҳбарлик эса Олий ва ўрта махсус таълим вазирлигининг ўрта махсус, касб таълими маркази зиммасига юкланади.Унинг асосий вазифалари, тузилиши, шунингдек профессионал қайта тайёрланганлик ва малака оширганлик тўғрисидаги дипломнинг, марказда қисқа муддатли курсларни ўтаганлик тўғрисидаги сертификатнинг давлат намуналари қарор билан тасдиқланди.
Ишсизлар ва вақтинча банд бўлмаган аҳоли, шу жумладан, касб-ҳунар коллежларини тугатган ва доимий ишга эга бўлмаган шахсларни ўқитиш муддати 1 йилгача бўлган вақтни ташкил қилади. Металлга ишлов бериш ва слесарлик ишлари, электр ва электроника, ахборот технологиялари, тўқимачилик ишлаб чиқариши ва тикувчилик каби йўналиш ва мутахассисликлар бўйича ўқитилади.
Шу билан бирга Марказда иш қидираётган, бироқ меҳнат ташкилотларида ишсиз сифатида рўйхатга олинмаган шахслар, шунингдек, йиллик қабулнинг 15 фоизидан кўп бўлмаган ҳолда иш берувчилар буюртмалари бўйича ҳодимлар малакасини оширишнинг қисқа муддатли пулли курслари ташкил этилади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Путин Украинадаги объектга баллистик ракета зарбаси берилганини эълон қилди
