Сурхондарёда чўмилишга борган уч нафар ўсмир кучли оқим оқибатида чўкиб вафот этди
Сурхондарё вилоятининг Жарқўрғон туманида Сурхондарё дарёсига чўмилишга тушган уч нафар ўсмир кучли оқим оқибатида чўкиб вафот етди. Мазкур фожиада 2008 йилда туғилган олти нафар ўсмир дарё бўйига борган бўлиб, улардан беш нафари сувга кирган. Атрофдагиларнинг ёрдами билан икки нафар йигит қутқариб қолинган ва қутқарувчилар икки ўсмирнинг жасадини сувдан олиб чиққан. Ҳозирги вақтда яна бир ўсмирни қидириш ишлари давом еттирилмоқда.
Сурхондарё вилояти Жарқўрғон туманида чўмилиш учун дарёга тушган ўсмирлар билан боғлиқ фожиа содир бўлди.
Маълум қилинишича, 2008 йилда туғилган олти нафар ўсмир Сурхондарё дарёси бўйига борган. Улардан бири сувга тушмаган, қолган беш нафари эса чўмилиш учун дарёга кирган.
Кучли оқим оқибатида уч нафар ўсмирни сув оқизиб кетган. Икки нафар йигит атрофдагилар ёрдамида қутқариб қолинган.
Қутқарувчилар икки ўсмирнинг жасадини сувдан олиб чиққан. Ҳозирда яна бир ўсмирни қидириш ишлари давом этмоқда.
Изоҳлар 0
…