Тожикистон: антикоррупциячилар уйидан чиққан долларлару олтинлар (фото)

Тожикистон интернет нашрларида Давлат молиявий назорат ва коррупцияга қарши кураш агентлиги раҳбарининг собиқ ўринбосари Давлатбек Хайрзоданинг онасига қарашли уйда олингани айтилаётган расмлар тарқалди.

Hilol.uz сайтининг ёзишича, расмлар Ваҳдат шаҳридаги Д.Хайрзоданинг ота-онасига тегишли уйда олинган. Расмларда ошхонадаги хуфя жойдан топилган ва тизиб қўйилган ўрам-ўрам долларлар тасвирланган.

Бошқа бир расмда эса катта миқдордаги тилла тақинчоқлар тасвирланган, бу бойликлар Антикоррупция агентлигининг собиқ ходимига тегишли эканлиги айтилмоқда.

Аввалроқ Бўстон шаҳрида Коррупцияга қарши кураш агентлиги терговчиси Фирдавс Ниёзбадалов ота-онасининг Бўстон шаҳридаги уйида бункер топилгани ва у ерга долларлар, тилла тақинчоқлар ва олтита жип машинаси яширилгани хабар қилинган эди.

Эслатиб ўтамиз, апрель ойи охирида Антикоррупция агентлигининг кўпгина ходимлари ишдан бўшатилган, кейинроқ уларнинг баъзилари ҳибсга олинган эди. «Замин»ни Telegram’да ўқинг!