21:19 / 25.05.2017
22 438

Тошкентда даҳшатли қотиллик содир бўлди

Тошкентда даҳшатли қотиллик содир бўлди
Жорий йилнинг 19 май куни тахминан соат 17:00 да Юнусобод тумани ҳудудида жойлашган кўп қаватли уйларнинг бирида пичоқ билан баданининг кўп жойлари санчилиб кесилган аёл кишининг мурдаси топилган.

Шунингдек, хонадондан унга тегишли бўлган Samsung русумли уяли алоқа воситаси, тилла тақинчоқлари ва пуллари сақланган темир қути талон-тарож қилингани аниқланган.

Мазкур ҳолат юзасидан Тошкент шаҳар прокуратураси томонидан Ўзбекистон Республикаси ЖКнинг 97-моддаси 1-қисми билан (қасддан одам ўлдириш) жиноят иши қўзғатилган.

Жиноят иши юзасидан олиб борилган тергов-тезкор тадбирлари натижасида, ушбу жиноят Қашқадарё вилоятида туғилган, муқаддам бир неча маротаба судланган Али Аманкулов томонидан содир этилгани аниқланди.

Ундан жиноий йўл билан қўлга киритилган 3 600 000 сўм пул, 101 АҚШ доллари, Samsung русумли уяли алоқа телефон аппарати, тилла тақинчоқлар ва эркаклар қўл соати олинган. Ҳозирда Аманкуловга нисбатан қамоққа олиш тарзидаги эҳтиёт чораси қўлланилган бўлиб, унинг бошқа жиноятларга алоқадорлиги текширилмоқда.

P.S. Юқоридаги шахснинг анкета маълумотлари ўзгартирилган бўлиб, фамилия ва исмларнинг хар қандай ўхшашлиги тасодифий характерга эга.

Манба: Qalampir.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Тошкентда даҳшатли қотиллик содир бўлди