Остонадаги саммит иштирокчилари бир овоздан саммитда тарихий қарор қабул қилинди, деб ҳисоблайди. Бу ҳақда Tengrinews.kz'га таяниб Кун.уз хабар берди.
Саммитдаги энг муҳим воқеа Шанхай ҳамкорлик ташкилоти таркибига Ҳиндистон ва Покистоннинг қўшилиши бўлди. Бугунги кунгача бу давлатлар ташкилотда кузатувчи мақомида эди.
"Остонада ташкилотимиз тарихидаги муҳим ҳодиса рўй берди. Биз икки янги аъзони қабул қилдик - Ҳиндистон Республикаси ва Покистон Республикасининг ташкилотга аъзо бўлиши жараёни якунланди. Шу тариқа, Шанхай ҳамкорлик ташкилоти амалда дунё сиёсати ва дунё иқтисодиётида муҳим рол ўйнайдиган бўлди", - деган Қозоғистон президенти Нурсултон Назарбоев.
Қозоғистон президенти ўз халқи номидан Ҳиндистон ва Покистонни ташкилот аъзоси бўлгани муносабати билан табриклаган.
"Сизнинг халқларингиз - ташкилотнинг тўла ҳуқуқли аъзоларидир. Ишонаманки, бу Шанхай ҳамкорлик ташкилоти ривожидаги янги даврни бошлаб беради, ташкилотнинг салоҳияти ортади, халқаро майдондаги нуфузи ошади", - дея Остона саммити иштирокчиларига юзланган Қозоғистон президенти.
Шанхай ҳамкорлик ташкилотига аъзо давлатлар раҳбарлари Ҳиндистон ва Покистонни ШҲТ аъзолигига қабул қилиш жараёнини тугатиш ва уларга ШҲТга аъзо давлат мақомини бериш тўғрисидаги қарорни имзолади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ким Чен Ин ҳарбийларни жанговар ҳолатда туришга чақирди
Туркия Исроил президенти самолётини ҳаво ҳудудига киритмади
Ижтимоий тармоқлар даврида руҳий саломатликни қандай сақлаш мумкин?
Рашида Толиб Конгресс аъзоларига «аччиқ ҳақиқат»нинг суратини кўрсатди
Шимолий Корея Россияга узоққа зарба берувчи қуроллар юборди
КХДР Россияга 100 минггача ҳарбий юбориши мумкин
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Эрон АҚШдан 1 трлн доллар компенсация талаб қилди
