Чеченистон раҳбари Рамзон Қодиров Саудия Арабистони янги валиаҳд шаҳзодаси Муҳаммад бин Салмонни бу тайинлов билан табриклади. Унинг фикрича, қирол Салмон бин Абдулазиз Ол Сауднинг бу қарори унинг мамлакатда барқарорликни истаётганидан дарак беради.
"Менинг қадрдон иним Муҳаммад бин Салмоннинг валиаҳд шаҳзода этиб тайинланишини қувонч ва фахр билан қабул қилдим. Бу қирол, икки масжид асровчиси томондан билдирилган катта ишончдир", деб ёзди Қодиров инстаграмда араб тилида.
"Бу донолик, жасурлик ва Саудия Арабистонининг барқарорлиги, фаровонлиги ва хавфсизлигидан манфаатдорлик намойишидир", деб қўшимча қилди Қодиров.
Қодировнинг фикрича, Муҳаммад бин Салмон садоқатли ва жасур, араб олами ва дунёда юз бераётган вазиятни англовчи етакчидир.
Саудия Арабистони қироли 21 июнда қариндоши Муҳаммад бин Наиф ўрнига 31 ёшли ўғлини валиаҳд шаҳзода этиб тайинланиши ҳақидаги қарорни қабул қилди. Бундан ташқари, Муҳаммад бин Наиф мамлакат ички ишлар вазири лавозимидан олинди, Муҳаммад бин Салмон эса мудофаа вазири лавозимини сақлаб қолган ҳолда бош вазир ўринбосари лавозимини ҳам эгаллади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ғазо фожиасига бир йил: Эрдўғон Нетаняҳу борасида кескин баёнот берди
Путин туғилган кунини қандай нишонлайди?
Рамзон Қодиров миграция сиёсатида «ўрта аср ёндашувларидан» воз кечишга чақирди
Мақсадининг охиригача бормайдиганларга нима халақит беради?
Трамп 2017 йилда Путиндан Украина бўйича маслаҳат сўраган экан...
Боррел: “Украинадаги уруш Ғарб ёрдамисиз 2 ҳафта ичида тугайди”
Словакия бош вазири Брюсселга «ракета зарбаси беришга» чақирди
Дунё АИ-80 бензинидан нега воз кечган?