— 24 ёшдаман. Юртимизда ишлаб юрган хорижлик йигит билан танишиб, бир-биримизни ёқтириб қолдик. Танишганимизга икки йил бўлди. Яқинда унинг иш муддати тугаб юртига кетди. Ота-онамга бу ҳақда гапиришга қўрқаман. Чунки биламан, барибир розилик беришмайди. Йигит эса: «Мен билан бирга кета қол, олти ойдан сўнг қайтиб келамиз-да, тўй қилишни айтамиз. Шунда улар рози бўлишдан бошқа иложи қолмайди», демоқда. Шундай йўл тутсам бўладими?
Муяссар, Хоразм вилояти.
Таҳририятдан:
— Жуда нотўғри фикр. Ота-онадан яширинча иш қилишнинг оқибати «вой» бўлади. Сизнинг дунёга келишингизга сабабчи бўлган, оқ ювиб оқ тараган, қоғоздаги қанддек гўзал тарбиялаган ота-онани доғда қолдириб, аллақайдаги чет эллик йигит билан ўзингиз билмаган юрт, нотаниш одамларникига қай юрак, қай журъат билан борасиз? Ва сўнгра қай юз билан Ватанга қайтасиз? Бу шармандалик, ғирт аҳмоқлик-ку! Бу муҳаббат эмас, қабоҳат! Жон қизим, кўзингизни очинг! Тафаккур қилиб кўринг, сизни бу йўлга бошлаётган йигитда ор-номус борми ўзи?
Балки уларда бундай йўл тутиш одат тусига кирган оддий ҳодиса бўлса ажабмас. Биз — ўзбекларда бу орият! Ота-онани тириклайин гўрга тиқиш! Қолаверса, ҳаёт тажрибасига эга бўлган, хотин-қизлар масалалари билан ишлаб турли муаммоларни ўрганган ва натижасини кўрган инсон, аёл ва она сифатида маслаҳатим — ўз юртингиздаги, иложи бўлса ўз қишлоғингиздаги йигитга турмушга чиқишга ҳаракат қилинг.
Энг асосийси, ота-онангиз, қариндош-уруғингизга яқин жойда яшайсиз. Бу эса ўзимиз сезмаган катта бахт, қизим! Турмуш масаласи фақат ишқ-севги романтикасидангина иборат эмас. Бизда оила муқаддас! Никоҳ муқаддас! Ота-она-муқаддас зотлар ҳисобланади. Бу муқаддасликка хиёнат қилиш гуноҳ, болам. Унутманг, ўзлигини йўқотган одам ўзини тамоман йўқотади.
Меҳмон йигитимизга ҳам ўз юрти, ота-онаси бағрида бахт ва омади кулиб яшашини тилаб қоламиз.
Манба: Darakchi.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пашинян Арманистоннинг Мустақиллик декларацияни энг катта муаммо ва фожиа деб атади
КХДР етакчиси дронларни оммавий ишлаб чиқаришни йўлга қўйишни буюрди
Туркиянинг Harper’s Bazaar нашри йил аёлини аниқлади (фото)
Россиялик депутат: «Олий маълумотлиларнинг курерлик қилиши — ватанпарварликка зид»
Айрим бошқарув сервис компаниялари шартномаларида асоссиз шартлар белгилангани аниқланди
Жо Байден: “Баъзан хотиним мени космосга жўнатиш билан таҳдид қилади”
20 ёшли ўзбекистонлик қизни қариндоши Туркияга сотиб юборди
Шольц ва Путин ўртасидаги суҳбат Киевга сигнал бўлди
