Ислом Каримовнинг тансоқчиси Василий Матвиенко бахтсиз ҳодиса қурбонига айланди!!!

Фожиа Янги Москва ҳудудида содир бўлган. Марҳум президентимиз Ислом Каримовга узоқ йиллар тансоқчилик қилган полковник Василий Матвиенко президент оламдан ўтгач, Москвага кўчиб ўтганди. Айтишларича, у нефт бизнеси билан шуғуллана бошлаган экан.

2017 йил 23 августида «Советский писатель» дала ҳовлилар посёлкасида рафиқаси Еленанинг 38 ёшга тўлиши муносабати билан оилавий байрам уюштирди. Спиртли ичимликни кўп ичиб юборганиданми, рафиқаси билан хонада гаплашиб ўтириб, ўзининг майда калибрли тўппончасини қўлига олган ва айлантириб ўйнай бошлаган. Шунда ўзи сезмаган ҳолда тепкини босиб юборган. Бахтга қарши тўппонча ўқланган ҳолатда экан. Ўқ полковникнинг юрагига тегди. Матвиенко врачлар бригадаси етиб келмай, оламдан ўтди.

Кейинроқ ҳуқуқни муҳофаза қилиш ташкилоти вакиллари Матвиенкога тегишли дала ҳовли гаражидан винтовка, иккита тўппонча, граната, гильза ҳамда патронлар жамланмасини топишди.
Ушбу факт юзасидан жиноий иш қўзғатилди. Тергов ҳаракатлари давом эттирилмоқда.

Манба: Hordiq.uz

Янгиликлар