Чилонзордаги ЙТҲ: “Nexia” симёғочни “ағанатиб” юборди...

Кеча, 1 сентябрь куни соат 21:25 да Чилонзор туманининг Мевазор маҳалласида йўл транспорт ҳодисаси юз берди. Бу ҳақда ижтимоий тармоқларда суратлар тарқалган...

Катта тезликда ҳаракатланган “Nexia” русумли автомобиль ҳайдовчиси бошқарувни йўқотган.

Автомобиль йўл четида турган темир-бетон симёғочга келиб урилиши оқибатида уни ўрнатилган ўрнидан ағдариб юборган.

Содир этилган мазкур йўл-транспорт ҳодисаси натижасида автомобиль қаттиқ зарбдан сўнг ариққа тушиб кетган. Бахтга қарши симёғоч устуни машина устига ағнаган.

Жабрланганлар ҳақида ҳозирча аниқ маълумотлар йўқ. Воқеа сабабларига оид батафсил маълумотлар аниқлаштирилмоқда...

Огоҳ бўлинг, азиз йўл ҳаракати иштирокчилари! Йўл ҳаракати қоидаларига амал қилинг!

Манба: qalampir.uz «Замин»ни Telegram’да ўқинг!